PERFIL S. EXA. MINISTRU PETRÓLEU NO MINERAIS
Victor da Conceição Soares, PhD.
Dr.Victor da Conceição Soares, natural husi munisipiu Baucau, parte leste husi Timor-Leste nian. Remata nia Bacharel iha Produsaun Mekánika iha Institutu Téknolojia Bandung(ITB) Indonesia iha tinan 1992 no Grau de Ónra iha Enjiñaria Mekánika husi Universidade Katolika Widya Karya Malang,Indonesia iha tinan 1999. Iha tinan 2004 kompleta nia Mestradu iha Enjiñaria Mekánika iha Universidade Tékonolojia Nagaoka,Japaun no konklui nia Doutoramentu iha Siênsia Téknika ba Ordenamentu Territoriu no Ambiente iha Universidade Évora, Portugal iha espesializasaun Enjiñeria Biossistemas,Enerjias Renováveis-Enerjia Eólika.
Hanesan Professor iha Departamentu Enjeñaria Mekánika iha Universidade Nasional Timor-Leste/ UNTL husi tinan 2000 to’o ohin loron no hanesan mos Investigador iha Enjeñaria Mekánika,Enerjia Renovável no Forsa Anin ( wind power. Nomeadu hanesan Dekanu Fakuldade Enjeñaria UNTL husi tinan 2007 to’o 2010 no servisu iha ONU-Pessoal lokal ba supervizor servisu sira seguransa iha UNAMET-UNTAET husi tinan 1999 to’o 2001. Nia nomeadu hanesan Membru Konsellu Jeral UNTL husi tinan 2017 to’o 2020 no Membru Konsellu Sientífiku iha Institutu Nasional ba Siênsia no Téknolojia Timor-Leste.
Simu premiu rua: Dahuluk nian mak sertifikadu ONU nian hanesan Membru Pessoal UNAMET iha tinan 2000 no premiu daruak nian mak Kondekorasaun nudar Kombatente ba Libertasaun Nasional Timor-Leste iha tinan 2013.
Dr.Victor hetan nomeasaun hanesan Vise-Ministru Edukasaun ba Ensinu Tékniku no Superior husi tinan 2006 to’o 2007 no husi fulan juñu tinan 2020 nomeadu ba pozisaun Ministru Petróleu no Minerais iha VIII Governu Konstitusional Repúblika Demokrátika Timor-Leste.
Nia karreira hanesan professor Enjeñaria, pesquisador no politiku.
