Dili, Kuarta-Feira, 30/Junhu/2021-Diretor Geral Ministériu Petróleu no Minerais, Dr. Manuel Lemos hamutuk ho Reprezentantes Instituisõens tutela ANPM, TIMOR GAP no IPG, halao enkontru ho Autoridade Expo Dubai, hodi aktualiza preparasaun tékniku.
Iha abertura enkontru ne’e, Diretur Geral MPM, Dr.Manuel Lemos, SH hateten katak, “Enkontru ne’e atu atualiza progresu preparasaun tékniku em jeral entre MPM hamutuk ho Instituisõens tutela ANPM, TIMOR GAP no IPG ho Sekretariadu Autoridade Expo Dubai.Dr. Manuel Lemos hateten katak “em prinsipiu preparasaun husi MPM ho Instituisõens tutela sira lao tuir planu, maibe iha kestõens tékniku balun, mak presiza resposta husi Autoridade Expo Dubai”.Durante enkontru ne’e, Prezidente ANPM, Eng.Florentino Ferreira halo pontu de situasaun ida kona-ba preparasaun ANPM nian.Prezidente ANPM informa mos kona-ba progresu em relasaun ho kestões téknikus kona-ba Bussines Forum, Oradores, Kontaktus realizadus, Deslokasaun ekipa, inklui halo observasaun ba situasaun atual Pandemia Covid 19.Entretantu Sr. Arif Sagran hanesan Vise Komisariu Expo Dubai, rekonhese no apresia ho MPM no Instituisõens Tutela sira nia servisus to’o ohin loron.Sr. Arif Sagran mos hato”o informasaun hotu-hotu ligadu ho preparasaun Timor-Leste nian ba Expo Dubai.Enkontru refere halao iha sala reuniaun MPM, no marka mos prezensa husi, ekipa Téknikus MPM, ANPM, TIMOR GAP no IPG.
@MÉDIA MPM@
