OBJETIVO GERAL
Ministériu Petróleu no Minerais prosegue objetivu prinsipal tuir mai :
- Garante dezenvolvimentu no sustentabilidade fundu petróleu, liu husi estudu, peskiza, explorasaun, produsaun/exploitasaun no diversifikasaun investimentu iha setor petróleu no mineiru iha area rai-maran, tasi-laran, rejime espesial Greater Sunrise nian iha rai-laran no rai-liur ho vizaun atu asegura katak reseitas provenientes husi atividades petroliferas no minerais kontribui ba ekonómia sosial, industrializasaun no dezenvolvimentu nasional.
- Garante konformidade no elabora lejislasaun adisional sira ligadu ho Inisiativa Transparensia ba Industrias Extrativas (EITI).
- Elabora legislasaun adisional no regulamentu vokasionadu hodi garante jestaun ida ne’ebé efetivu, efikasia no pratika diak relasiona ho aktividade hotu iha setor petróleu no minerais.
- Reajustamentu planu ba implementasaun Projetu Tasi Mane; .
- Garante seguransa enerjia nasional, liu husi armazenamentu mina no usa gas natural, peskiza no dezenvolve fontes enerjia renovaveis; .
- Asegura sinerjia no koperasaun internasional iha âmbitu ba setor rekursus minerais no enerjetikas.
- Finaliza negosiasaun ho Australia iha area legal, tributaria/impostu no kontratu sira ba rejime espesial kampu Greater Sunrise nian, ne’ebé preve iha Tratadu entre Timor-Leste ho Australia ne’ebé establese Fronteira iha Tasi Timor.
- Asegura obrigasaun sira husi kompanhia nasional petrolifera, TIMOR GAP E.P. no ninia parseria sira ho proporsaun 56.56% no finaliza planu desenvolvimentu ba Greater Sunrise.
- Estabelese Kompañia Nasional Mineiru ho objetivu atu diversifika investimentu no kontribui ba hasa’e reseitas ba kofre Estadu nian.
- Promove peskiza ho estudu, identifikasaun no mapeamentu ba rekursus petróleu no minerais, riskus jeolojikus, akiferu no kualidade agua potavel.
- Prepara no dezenvolve rekursu úmanu ne’ebé espesializadu iha setor petróleu, minerais no enerjias renovaveis.
