Dili,03 Agostu 2026
Institutu Jeosiénsia Timor-Leste, IGTL, I.P., promove Segunda-Feira ne’e, konferénsia internasionál kona-ba jeoparke, hodi promove valór husi patrimóniu jeolójiku no projeta ba kriasaun Jeoparke iha Timor-Leste.
Ba Señor Prezidente husi Global Geopark Network, Artur Sá, konservasaun sei iha valór waihira, komunidade moris, produz no hanorin kona-ba patrimóniu, liu-husi estratejia, produsaun no infraestruturas ne’ebé orienta ba dezenvolvimentu ida ne’ebé sustentavel. Edukasaun hanesan pilar importante iha kontestu jeoparke, tanba sai hanesan janela ba konesimentu, kompriensaun ba prezervasaun patrimóniu, hodi aplika iha sosiedade, atu sai hanesan responsabilidade sosial, hodi hamosu sentidu pertense ba patrimóniu.
Tuir Sua Eselénsia Ministru Petróleu no Rekursus Minerais, deskoberta paleotolójika oi-oin, manifesta oportunidade ba dezenvolvimenentu sientífika, atrai universidade no sentru investigasaun internasional, no mós oportunidade atu forma jeólogu jerasaun foun, paleontólogu, jeofízíku no investigadór sira, hodi kria ekonomia ne’ebé bazeia ba konesimentu.
Sua Eselénsia Ministru fundamenta katak, Jeoparke hanesan instrumentu ne’ebé ligasaun ho siénsia, turizmu, edukasaun, ambiente no dezenvolvimentu ekonomia lokál, tanba bele kria empregu, oportunidade kria empreza ki’ik, atrai vizitante no promove produtu artezenal, servisu tradisionais, restaurasaun no servisu turístiku. Investimentu iha siénsia, valoriza koñesimentu, hodi transforma petrimóniu naturál ba oportunidade ne’ebé inkluziva.
Ba finalidade ne’e, governu defende importánsia husi fortalesimentu institusionál no sientífika, liu-liu IGTL, I.P., ne’e assume papel kruxial iha konesimentu jeolójiku no produsaun informasaun sientífika kredível no nesesáriu ba tomada desizaun, atu koopera ho entidade oi-oin ba estabelesimentu jeoparke no Timor-Leste prontu aprende husi esperiénsia Brazil no Portugál iha rede jeoparke iha UNESCO.