Ministru Petróleu no Minerais Dr. Victor da Conceição Soares ho komitiva ne’ebé mak kompostu husi ekipa MPM, no ekipa Instituisaun tutelas TIMOR GAP, E.P., ANPM no IPG, mak akompanha direitamente husi Prezidente Konsellu Administrasaun TIMOR GAP, E.P., Eng. António José Loiola de Sousa no ekipa, Prezidente ANPM, Eng. Florentino Mateus Soares Ferreira no ekipa, Prezidente IPG, Eng. Gabriel Aparício, Vise Prezidente IPG, Eng. Oktoviano Viegas Tilman de Jesus, Msc. no ekipa, halao inagurasaun ba Semiteriu Holbellis iha Suai vila, ne’ebé mak sai nu’udar parte ida husi Projetu Tasi Mane.
Seremonia inagurasaun ba Semitériu Holbellis ne’ebé mak lokaliza iha Aldeia Bonuk, Suku Labarai, Postu Administrativu Suai Vila, Munisípiu Covalima ne’e, kontinua kedas ho selebrasaun missa mak marka prezensa husi Komunidade, Autoridade lokál, Administrador Postu Suai Vila, ekipa MPM, ANPM, TIMOR GAP no IPG, hafoin bensa ba rate iha semiteriu refera husi Padre mak halo selebrasaun missa iha fatin refere.Semitériu ne’e, konstrui husi kompanhia JOIA Construction, unipessoal Lda.
