TIMOR GAP, E.P. asina kontratu ba Projetu Konstrusaun Benchmark (Placa) ba aréa Suai Supply Base, ho Kompanhia Jeles Brasis Moris, Unipessoal Lda. Ministru Petróleu no Minerais Dr. Victor da Conceição Soares ho Prezidente Konsellu Administrasaun TIMOR GAP, E.P., Eng. António José Loiola de Sousa, marka mos prezensa hodi asisti no sai sasin ba prosesu asina kontratu refere.Prosesu tenderizasaun ba Projetu refere, loke iha inisiu Fulan Junho 2021. TIMOR GAP servisu hamutuk ho Ministériu Obras Públika Covalima, hodi konvida Kompanhia Lokal Munisipiu Covalima atu partisipa iha projetu refere. Prosesu no faze tendererizasaun tomak, hanesan; Distribuisaun ba dokumentus tender, submisaun proposal, prebid meeting no bid opening (Loke proposta), TIMOR GAP hala’o hamutuk ho kompanhia sira hotu iha Munisipiu Covalima.
Kompanhia 19 Mak iha interese hodi foti dokumentus tenderizasaun, no hafoin deadline data submisaun, iha kompanha 8 deit Mak submete sira ninia proposta. Hafoin hala’o evaluasaun ba proposta hirak ne’e hotu, ekipa panel TIMOR GAP rekomenda kompanhia “Jeles Brasis Moris Unipessoal, Lda mak sai manan nain ba projetu refere.Timor Gap reprejenta husi Diretor TMP ka Projetu Tasi Mane, Sr. Francisco Ferreira, hodi asina ka selebra kontratu ho Kompanhia “Jeles Brasis Moris Unipessoal, Lda” ne’ebé mak reprezenta husi Sr. Alberto de Jesus, iha loron 23 September 2021, hodi hari’i no instala Benchmark ka placa iha aréa Suai Supply Base. Kontratu refere asina no selebra iha edifisiu MPM Munisipiu Covalima
