Covalima, Suai, Kuarta-Feira, 17/Novembru/2021-Diretor Jerál Ministériu Petróleu no Minerais, Dr. Manuel Lemos, reprezenta Ministériu Petróleu no Minerais, partisipa iha Kolokiu Nasional husi Timor-Leste Extractive Industries Transparency Initiative / Timor-LesteInisiativa Transparénsia ba Indústria Estrativa (TL-EITI) hamutuk ho Sosiedade Civil iha Munisipiu Covalima, Suai.Kolokiu refere halao iha Sentru Komunidade Covalima, hahu’u husi loron 17 to’o 20 Novembru 2021.Iha loron 1 Jullu 2010, Timor-Leste kompleta prosesu ida ba tinan hitu atu sai kumpridor ho standar Inisiativa Transparénsia ba Indústria Extrativa ka ho lian Ingles hanaran Extractive Industries Transparency Initiative (EITI), Timor-Leste sai hanesan nasaun kumpridor terseiru iha mundu. Timor-Leste sai kumpridor depois de ema independente ne’ebe halo validasaun, no verifika relatoriu EITI Timor-Leste nian ba dala uluk iha 2008.Inisiativa Transparénsia ba Indústria Extrativa mak esforsu mundial ida atu hadi’a transparénsia no akuntabilidade iha manajementu rendimentu hosi mina, gas no minerais, no estabelese iha fulan Setembru tinan 2002 hosi governu Britania, no agora nasaun Norvegia mak kordena.
