Wailah-Caibada, Baucau, Sábadu, 27/Novembru/2021-Ministru Petróleu no Minerais Dr. Victor da Conceição Soares hamutuk ho komitiva husi Ministériu Petróleu no Minerais, halao vizita servisu ba fatin istóriku Komandante Dai-Tula nian, wainhira hetan tiru no kaptura husi forsa Indonesia sira, iha loron 26 fulan Junhu tinan 1997 iha área Wailah-Caibada, Baucau.Antes ne’e mos Sua Exelénsia Primeiru-Ministru Taur Matan Ruak iha loron Sábadu ne’e, partisipa iha serimónia reflesaun kona-ba Eis Sub Xefe Estadu Maior FALINTIL David Alex”Dai-Tula” nia mate, iha ámbitu komemorasaun aniversáriu loron Proklamasaun unilateral Indepedénsia Repúblika Demokratika Timor-Leste nian, ba dala 46, iha área Wailah-Caibada, (Fatin ne’ebé mak Komandante Dai-Tula hetan kapturasaun hosi Forsa Indonezia nian).
Hafoin serimónia reflesaun, Xefe Governu akompãnhadu hosi Tenente Jeneral Lere Anan Timur no estafeta sira ne’ebé uluk involivdu sai mata dalan ba FALINTIL sira, hala’o vizita ba fatin ikus ne’ebé mak Komandante Dai-Tula tur ba iha hali ida nia okos, molok hetan tiru no kaptura hosi Forsa Indonézia sira.Komandante Dai-Tula rasik hafoin hetan tiru kanek no kaptura hosi Forsa Indonésia, to’o ohin loron seidauk hatene ninia paradeiru, no mate ka moris, tan ne’e sei konsidera dezaparesidu
