Darisula-Baucau, Domingu, 28/November/2021-Ministru Petróleu no Minerais, Dr. Victor da Conceição Soares, akompañha husi Espoza no ekipa husi Ministèriu Petróleu no Minerais, partisipa iha serimónia komemorasaun loron Proklamasaun Indepedénsia RDTL ba dala 46, iha Darisula-Triloka, Munisípiu Baucau.Serimónia hodi komemora proklamasaun independénsia Timor-Leste sempre fó-hanoin ita-nia pasadu istóriku foin liu bá, neebé fó orgullu ba ita hotu, tanba ita konsege afirma-an iha mundu, nuudar Povu ida, ho identidade no hakarak rasik.
Ba selebrasaun tinan ida-nee nian, Konsellu Ministrus hili lema: A UNIÃO E A LUTA CONJUNTA, PARA A VITÓRIA DE TODOS. KATAK:HAMUTUK, ITA LUTA NO HETAN VITÓRIA BA ITA HOTU Husi esforsu tomak hotu-hotu nian mak ita hetan vitoria boot ida nee: Moris ho liberdade tomak iha ita-nia Rai Doben, nuudar Timor-oan, ho ita-nia hanoin no hakarak rasik.Durante komemorasaun loron Proklamasaun Independensia RDTL ne’e, Prezidente RDTL, DR. Francisco Guterres Lu Olo, iha ninia diskursu apela ba Asu’uain doben, feto no mane Tamba ita fó-hanoin ohin ita hotu nia luta eróika ba Ukun Rasik An, hau hakarak halo apelu espesiál ba Kombatente sobrevivente sira atu sai modelu diak ba kompatriota hothotu.
Maluk sira iha dever atu buka hatoo ba kompatriota sira seluk, valores no prinsípius neebé tanen metin ita nia Unidade Nasionál no lori ita ba Vitória, iha Referendu 1999.Valores no prinsípius luta nian mak barani, determinasaun, espíritu servisu no kapasidade atu konsente sakrifísiu neebé deit ba ita-nia moris-diak koletivu iha ita-nia Timor-Leste livre no independente. Biar ida-idak iha nia hanoin rasik, hau fiar katak ita bele tuur hamutuk hodi hetan objetivus estratéjikus liu husi implementasaun planu dezenvolvimentu Nasional.Atu valoriza duni eroína no erói sira-nia sakrifísiu ba Rai doben Timor-Leste, hau konvida kompatriota sira hotu atu kaer hanoin ida no hakarak ida deit: kore-an husi kiak no mukit nuudar Povu Timor-Leste !
