Liquica-Lauhata, Segunda-Feira, 20/Dezembru/2021-Ministru Petróleu no Minerais, Dr. Victor da Conceição Soares, partisipa iha Focus Group Discussion, iha Lauhata Beach, Liquica.
Atividade refere hala’o husi Embaixada Indonesia ka (Kedutaan Besar Republik Indonesia / KBRI Dili), ne’ebé mak lideradu husi Embaixador Extraordinaria no Plenipotensiariu, Sr. Okto Dorinus Manik, ho objetivu hodi hasa’e no hametin liu tan koperasaun investimentu entre Indonesia no Timor-Leste, no atividade refere nu’udar pontu ba sorumutu entre Embaixada Indonesia iha Dili, Emprezas Públiku, Empreza Privadu husi Indonésia nian no Ministériu ka Instituisaun relevantes sira, hodi buka hatene no tau hanoin lisúk kona-ba potensia, dezafius sira hotu, nune’e bele hasa’e liu tan relasaun koperasaun Ekonómia no investimentu entre Indonésia ho Timor Leste.
Membrus VIII Governu Konstitusional ne’ebé mak marka prezensa diretamente iha FGD ne’e mak Ministru Petróleu no Minerais, Dr. Victor da Conceição Soares, Ministru Koordenador ba Asuntu Ekonómiku (MCAE), Eng. Joaquim Amaral, Ministru Turizmu, Komérsiu no Industria (MTCI), Dr. José Lucas do Carmo da Silva no akompanha husi Prezidente ANC, Diretora Jeral MAP, Reprezentante husi Trade Invest Timor-Leste, no partisipa mos husi Reprezentantes husi Emprezas Públiku, Empreza Privadu husi Indonesia no Timor-Leste.
