Dili, Tersa-Feira, 07/Dezembru/2021-Ministru Petróleu no Minerais, Dr. Victor da Conceição Soares, partisipa iha Serímonia assina PSC ka Kontratu Partilha Produsaun (PSC TL-OT-21-10) entre Autoridade Nasional Petróleu no Minerais (ANPM) ho Kompanhia Estatal TIMOR GAP, liu husi ninia subsidiariu TIMOR GAP PUALAKA BLOCK, Unip, Lda.Serimonia assinatura ne’e halao husi Prezidente ANPM, Eng. Florentino Mateus Soares Ferreira, ho Managing Director TIMOR GAP PUALACA BLOCK, Sr. Lamberto Fernandes no testamunha husi Ministru Petróleu no Minerais, Dr. Victor da Conceição Soares hamutuk ho Prezidente no CEO TIMOR GAP, Eng. António José Loiola de Sousa.Serímonia assina Kontratu Partilha Produsaun ne’e sei permite TIMOR GAP atu halao servisu nesesariu sira ba expolarasaun Bloku iha área Pualaca Timor-Leste nian.TIMOR GAP liu husi nia subsidiariu TIMORGAP PUALACA BLOCK, Unip.Lda sai nu’udar operador 100% ba bloku Pualaca. Bloku Pualaca lokaliza iha Munisipiu 3, mak hanesan: Manatuto, Manufahi no Viqueque, mak kobre área ~1575 km2.
Managing Director ba TIMOR GAP Pualaca Block, Sr. Lamberto Fernandes iha ninia intrevista akresenta katak, “Programa servisu ne’e nu’udar kompromisu mínimu ba PSC ne’e, sei hahu’u iha inisiu tinan 2022 ho estudu jeolojia no jeofíziku, servisu naun-seismíku no seismíku, inklui servisu prosesamentu, interpretasaun no evaluasaun prospect, no mos perfurasaun iha periodu esplorasaun dahuluk”. TIMOR GAP mós tau hamutuk ona planu ida ke adekuadu kona-ba konteúdu lokál, inkluindu servisu komunitariu sira ba rehabilitasaun eskola, fasilidade kuidadu saúde, fasilidade be’e mos, no mos servisu nesesariu seluk ne’ebé mak sei fo impaktu direta ba komunidade sira mak hela besik iha área Bloku Pualaca nian.
Serímonia assina Kontratu Partilha Produsaun entre ANPM no TIMOR GAP ne’e, hala’o iha Salaun enkontru Hotel Novo Turismu Dili. Serímonia refere taka ho atividade kari ai-funan iha Portu Dili, hodi hanoin hikas Herois no Martíres da pátria ne’ebé mak sakrifika ona sira nia vida, durante loron invazaun iha 7 Dezembru 1975.Serímonia ne’e marka prezensa diretamente husi Ministru Petróleu no Minerais, Dr. Victor da Conceição Soares, Diretor Jeral MPM, Dr. Manuel Lemos, Prezidente ANPM, Eng. Florentino Mateus Soares Ferreira, Prezidente no CEO TIMOR GAP, Eng. António José Loiola de Sousa, Managing Director ba TIMOR GAP Pualaca Block, Sr. Lamberto Fernandes, Country Manager Timor-Leste ba Kompanhia Santos, Sr. José Lobato, Vise Prezidente IPG, Eng. Octoviano Tilman, M.Sc, Diretores, Xefias, Assesores no Jestores husi ANPM, TIMOR GAP ho MPM, no Konvidadus sira seluk.
