Tibar-Liquisa, Kinta-Feira, 24/Marsu/2022-Ministru Petróleu no Minerais, Dr. Victor da Conceição Soares, hamutuk ho komitiva husi MPM, ANPM, TIMOR GAP, IPG, Ekipa Task Force Empreza Mineira no TL-EITI, aproveita tempu pauza hafoin han meudia, wainhira partisipa iha Mini Retiru Ministériu Petróleu no Minerais, hodi halao vizita servisu ba Formandus sira husi Beasu Viqueque, ne’ebé mak hetan apoiu finansiamentu husi Timor Gap, E.P, hodi partisipa hela formasaun iha Sentru Nasional Empregu no Formasaun Profisional (CNEFP), Tibar, Liquisa.Formandus sira husi Beasu Viqueque, ne’ebé mak tuir hela formasaun iha Sentru Nasional Empregu no Formasaun Profisional (CNEFP), Tibar, Liquisa ne’e, hamutuk ema nain 19, feto nain 4 no mane nain 15, ne’ebé mak kolokadu ba aréa soldadura, kanalizasaun kadoras, ho eletrisidade nian.Formasaun refere sei halao ho durasaun durante fulan 6 iha CNEFP Tibar, nu’udar treinamentu fundamental ba sétor petróleu no gas nian, ne’ebé mak foku ba iha aréa mantensaun nian.Hafoin konklui treinamentu durante fulan 6 ne’e, sei iha tan assesmentu final ne’ebé mak sei determina treinamentu tuir mai fali, mak sei halao iha Kalimantan, Indonesia, kona-ba aréa mantensaun iha Planta LNG.
