Díli, Tersa-Feira, 10/Maiu/2022 – Ministru Petróleu no Minerais Dr. Victor da Conceição Soares, akompanha diretamente husi Diretor Jeral MPM, Dr. Manuel Lemos, Xefe Gabinete MPM, Sr. Valente Ferreira, M.Sc, Prezidente ANPM, Engº. Florentino Mateus Soares Ferreira, Assesor Tékniku MPM, Engº. Gilsel Borges, no ekipa MPM simu audiênsia husi ekipa SundaGas Banda Unipessoal Lda, hodi halao aprezentasaun kona-ba iniciativa investimentu iha kampu Chuditch ba Ministru Petróleu no Minerais Dr. Victor da Conceição Soares.
Kampu Chuditch konsideradu hanesan kampu gás nian, no kompañia Sira Joint Venture ne’ebé mak sei hala’o investimentu iha kampu refere mak SundaGas hanesan operador ( 75%) no Timor Gap (25%). Ekipa husi SundaGas Banda Unipessoal Lda (Operador) kompostu husi: Dr. Andy Butler nu’udar Managing Director, Sr. Januario Carvalho nu’udar General Manager no Sr. Dino Gandara nu’udar Technical Manager, no iha reuniaun refere, partisipa mos husi ekipa Timor Gap Chuditch Unipessoal, Lda. Audiênsia no aprezentasaun refere hala’o iha sala reuniaun Ministériu Petróleu no Minerais.
