Díli, Segunda-Feira, 09/Maiu/2022-Ministru Petróleu no Minerais, Dr. Victor da Conceição Soares, hamutuk ho membrus VIII Governu Konstitusionál, partisipa iha Debate Jeneralidade Orsamentu Jerál Estadu Retifikativu Tinan 2022, iha Uma Fukun Parlamentu Nasionál. Debate Jeneralidade OJE Retifikativu Tinan 2022 ne’e, sei halao durante loron tolu, hahu’u husi loron 09 to’o 11 Maiu 2022, no partisipa mos diretamente husi Sua Exélensia Primeiru Ministru Taur Matan Ruak, debate refere halao ho loron ida ba diskusaun no votasaun iha jeneralidade, no loron rua ba diskusaun no votasaun espesializada.Diskusaun no votasaun iha faze jeneralidade ba Proposta Lei n° 38/V(4a) – Primeira alterasaun ba Lei numeru 1/2022, 3 de janeiru, Orsamentu Jeral Estado 2022, segunda alterasaun ba Lei numeru 8/2008 30 juñu, Lei Tributária, no kriasaun Fundu ba Kombatentes Libertasaun Nasional.Parlamentu Nasionál liu hosi sesaun Plenária loron ohin, aprova ona iha Jeneralidade Proposta Orsamentu Jerál Estadu (OJE) Retifikativu 2022 ho montante billiaun $1,1 ho votu 36 Afavor (55%), 24 Kontra no 5 Abstensaun.Sesaun plenária Debate OJE Ratifikativu Tinan 2022 Prezide husi Prezidente Parlamentu Nasionál, Dr. Aniceto Longuinhos Guterres Lopes.
𝗗𝗲𝘀𝗽𝗲𝘀𝗮𝘀 𝘁𝘂𝗶𝗿 𝗞𝗹𝗮𝘀𝗶𝗳𝗶𝗸𝗮𝘀𝗮𝘂𝗻 𝗘𝗸𝗼𝗻𝗼́𝗺𝗶𝗸𝘂Ho Proposta OJE Retifikativu ne’e siginifika Reseitas Konsolidada Setór Públiku Administrativu sa’e ba $3.234.522.481, enkuantu Despesas Konsolidada Setór Públiku Administrativu sa’e ba $3.233.908.681. Reseitas husi Órgaun Servisus Administrasaun Sentrál sa’e ba $2.987.140.197, enkuantu Despesas Órgaun Servisus Administrasaun Sentrál sa’e ba $2.987.140.197, ne’ebé fahe tuir kategoria klasifikasaun ekonómiku hanesan tuir-mai ne’e: i) Transférensia Públika ho montante $1.837.634.189; ii) Bens no Servisus ho montante $466.877.382; iii) Kapitál Dezenvolvimentu $390.177.399; iv) Saláriu no Vensimentu $250.537.130; no Kapitál Menór $41.914.097.
𝗔𝗹𝗼𝗸𝗮𝘀𝗮𝘂𝗻 𝗢𝗿𝘀𝗮𝗺𝗲𝗻𝘁𝘂 𝘁𝘂𝗶𝗿 𝗠𝗲𝗱𝗶𝗱𝗮𝘀 𝗞𝗼𝗺𝗽𝗹𝗲𝗺𝗲𝗻𝘁𝗮́𝗿 𝟭𝟯Proposta OJE Retifikativu ho montante billiaun $1,1 ne’e sei uza hodi finansia medidas komplementár 13: Kriasaun Fundu Kombatentes Libertasaun Nasionál ho orsamentu alokadu billiaun $1. Pagamentu $200 ba kada família (exeptu funsionáriu públiku sira), millaun $70. Uma Kbiit Laek Plus, millaun $25. Bolsa Estudu ba Mellór Graduadu Estudante Ensinu Báziku no Sekundáriu, millaun $7,5. Programa Mão de Obra ba Postu Administrativu, millaun $7,2. Revitaliza kafé no subsídiu ba kafé Laku-teen, millaun $6,4. Pagamentu ba diferensa remunerasaun PNTL nian ho rejime salariál foun, ba membru PNTL 4.096, millaun $5,1. Harii Sede Arte Marsiál no Rituál, millaun $2,5. Programa Eskola iha Uma, millaun $2,1. Internet gratuita iha eskola sira, millaun $1,1. Subsídiu akomodasaun ba PNTL no F-FDTL, millaun $1,9. Estabelesimentu Sekretaria ba Asuntu Traballadór iha rai-liur no Komunidade Timoroan iha Diáspora, $500 mil; Empregu ba mellór alunu universitáriu sira, $437,5 mil.
