Dili-CCD, Kuarta Feira, 18 de Maio 2022- Ministru Petróleu no Minerais halo Publikasaun Relatoriu Anual tinan 2021 no Boletín Segunda Edisaun iha Feira Nasional ba Selebrasaun Loron Independensia ba dala rua nulu (20) iha Centru de Convensoens Dili (CCD). Alende Halo Publikasaun ba Retoriu 2021 no Boletin, Lansa mos Retoriu EITI ba Anu Fiskal 2017, 2018 no 2019 kona-ba Rekonsiliasaun Reseitas husi setor Petróleu, Gas no Minerais.
Objetivu husi publikasaun Relatóriu Anual no Boletín ne’e mak atu informa perkursu ba atividades sira ne’ebe realiza ona hanesan progresu ne’ebe atinji, difikuldade ne’ebe enfrenta no ezekusaun planu atividade ligadu ho orsamentu anual. Progresu sira ne’ebe atinji nu’udar marku ida iha dezempenhu Ministeriu Petróleo no Minerais inklui mos ho nia tutela sira iha tinan 2021.
Sua. Excia Ministru Petróleu no Minerais, Dr. Victor da Conceição Soares akresenta liu tan kona-ba publikasaun Relatoriu Anual 2021 no Boletin ida ne’e katak atu divulga ka fo sai ba publiku tomak konaba: Rezultadu no progressu servisu hirak ne’ebe Ministeriu Petróleu no Minerais ho ninia Instituisaun Tutelas sira atinji ona iha tinan 2021, inklui exekusaun orasamentu; no atividades servisu hirak ne’ebe halao hela no sei kontinua iha periudu sira tuir mai.
“Hahu’u simu kna’ar hanesan Ministru Petróleu no Minerais iha Juñu 2020, Relatoriu Anual 2020 no Buletin Edisaun Dahuluk nian, MPM hamutuk ho MAPCOMS halo lansamentu iha fulan Setembru tinan 2021. No agora, ita halo tan lansamentu no publikasaun ida ne’e ho prinsipiu ida atu kontinua garante transparansia ba Boa Governasaun no Jestaun ba setor petróleu no minerais iha ita nia país demokratiku ida ne’e. Tamba MPM hanesan institusaun governamental ida ne’ebe responsavel ba konsepsaun no exekusaun politika enerjetika no jestaun rekursus minerais inklui petróleu no mineirus estratejikus sira seluk, ho nune’e presija atu exekuta ho politika no jestaun ida ne’e ho forma transparante, sustentabel no responsabel.”
Partisipa iha Publikasaun Relatoriu 2021 Boletín nian mak Ministru Petróleu no Minerais, Vise Presidente ANPM, Vise Presidente TIMOR GAP. E.P, Diretor Divisaun Risku ne’ebe Representa Prezidente IPG, Diretor Exekutivu SERVE I.P, Diretór Exekutivu Trade Invest, Reprezentante Ministeriu Turizmu Komersiu no Industria, Reprezentante Husi Ensino Superior, Diretór Jeral MPM, Xefe Gabinete MPM, Koordenadora EITI, Manajer, Diretores, Xefe Departamentu no Ekipa Produsaun Relatroiu no Boletin.
