𝐌𝐈𝐍𝐈𝐒𝐓𝐑𝐔 𝐏𝐄𝐓𝐑Ó𝐋𝐄𝐔 𝐍𝐎 𝐌𝐈𝐍𝐄𝐑𝐀𝐈𝐒 𝐇𝐎 𝐄𝐊𝐈𝐏𝐀 𝐌𝐏𝐌, 𝐀𝐍𝐏𝐌, 𝐓𝐈𝐌𝐎𝐑 𝐆𝐀𝐏, 𝐈𝐏𝐆 𝐍𝐎 𝐂𝐌𝐓𝐋, 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐀𝐔𝐃𝐈Ê𝐍𝐒𝐈𝐀 𝐏Ú𝐁𝐋𝐈𝐊𝐀 𝐇𝐎 𝐊𝐎𝐌𝐈𝐒𝐀𝐔𝐍 𝐂 𝐏𝐀𝐑𝐋𝐀𝐌𝐄𝐍𝐓𝐔 𝐍𝐀𝐒𝐈𝐎𝐍𝐀𝐋

Ministru Petróleu no Minerais Dr. Victor da Conceição Soares, akompanha husi ekipa Ministériu Petróleu no Minerais (MPM), ANPM, TIMOR GAP, IPG no CMTL, partisipa iha audiênsia públika ho ekipa husi Komisaun C Parlamentu Nasional, ne’ebé mak trata kona-ba asuntus Finansas Públikus.

Audiênsia públika refere, halao iha Plenaria Parlamentu Nasional, no liu husi audiênsia ne’e, Deputadu sira husi Komisaun C Parlamentu Nasional sita kona-ba Proposta Lei n⁰ 46/V (5a), no ekipa Ministru Petróleu no Minerais halao aprezentasaun diretamente kona-ba prosesu exekusaun Orsamentu Jeral Estadu tinan 2022, husi Ministériu Petróleu no Minerais ho Instituisaun tutelas sira, no aumesmu tempu halo mos apresiasaun ba Proposta Orsamentu Jeral Estadu, tinan 2023, Ministériu Petróleu no Minerais nian.

Orgaun Lejislativa liu husi Komisaun Espesializadas permanente, semana ne’e hahu’u halao ona audiênsia públika ho linhas Ministérial no Sétor públika sira, inklui mos ho Ministériu Petróleu no Minerais ho Instituisaun Tutelas ANPM, TIMOR GAP, IPG no CMTL, kona-ba Planu no Prioridades ne’ebé mak sei implementa iha tinan oin, iha Orsamentu Jeral Estadu ba tinan 2023, tamba kada Komisaun Espesializada Permanente halao sira ninia kna’ar liu husi audiênsia públika hodi submete sira ninia pareser sétorial ba Plenaria Parlamentu Nasional.