𝐌𝐈𝐍𝐈𝐒𝐓𝐑𝐔 𝐏𝐄𝐓𝐑Ó𝐋𝐄𝐔 𝐍𝐎 𝐌𝐈𝐍𝐄𝐑𝐀𝐈𝐒 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐏𝐑𝐎𝐆𝐑𝐀𝐌𝐀 𝐒𝐄𝐍𝐒𝐈𝐁𝐈𝐋𝐈𝐙𝐀𝐒𝐀𝐔𝐍 𝐈𝐍𝐅𝐎𝐑𝐌𝐀𝐒𝐀𝐔𝐍 𝐊𝐎𝐍𝐀-𝐁𝐀 𝐒𝐄𝐓𝐎𝐑 𝐏𝐄𝐓𝐑Ó𝐋𝐄𝐔 𝐍𝐎 𝐌𝐈𝐍𝐄𝐑𝐀𝐈𝐒 𝐍𝐈𝐀𝐍 𝐈𝐇𝐀 𝐌𝐔𝐍𝐈𝐒𝐈𝐏𝐈𝐔 𝐂𝐎𝐕𝐀𝐋𝐈𝐌𝐀

Ministru Petróleu no Minerais, Dr. Victor da Conceição Soares, partisipa iha Programa Sensibilizasaun no divulgasaun informasaun kona-ba Setor Petróleu no Minerais nian, ne’ebé mak halao husi Empreza Estatal Timor Gap, iha Munisipiu Covalima, no programa sensibilizasaun refere halao iha Salaun Administrasaun Munisipiu Covalima, Suai.

Atividade sensibilzasaun refere marka mos prezensa husi Prezidente Konsellu Administrasaun Timor Gap, Engº. António José Loiola de Sousa, Vise Prezidente Timor Gap, E.P. Dr. José Manuel M. da Conceição hamutuk ho Prezidente ANPM, Engº. Florentino Mateus Ferreira Soares.

Atividade sensibilzasaun informasaun relasiona ho setor Petróleu no Minerais ne’e, halao ho objetivu atu disemina informasaun tomak ligadu ho progresus no atinjimentus hotu mak VIII Governu Konstitusional liu husi Ministériu Petróleu no Minerais hamutuk ho Instituisaun Tutelas ANPM, TIMOR GAP, IPG, CMTL no TL-EITI atinji ona durante mandatu VIII Governu Konstitusional nian, atu nune’e Komunidade sira iha Munisipiu Covalima bele assesu informasaun ne’ebé mak los no kredivel, relasiona ho progresus tomak iha setor Petróleu no Minerais nian, hodi nune’e komunidade Covalima sira bele informadu ho informasaun ne’ebé mak lolos ligadu ho progresus tomak mak atijindu ona ho sussesu, no aumesmu tempu atu públiku bele kumprende no assesu ba informasaun ne’ebé mak los hodi labele konsume informasaun falsu ka hoax ne’ebé mak espalhadu iha Média Sosial, relasiona ho atividades tomak ba dezenvolvimentu iha setor Petróleu no Minerais.

Ministru Petróleu no Minerais, Dr. Victor da Conceição Soares, durante partisipa iha Programa ba Sensibilizasaun no divulgasaun informasaun relasiona ho Setor Petróleu no Minerais nian ne’e, halao aprezentasaun detailhadu relasiona ho Polítika no Planu VIII Governu Konstitusional nian iha setor Petróleu no Minerais nian, no aumesmu tempu sensibiliza mos informasaun kona-ba: REZULTADU ATINJIDUS MPM NIAN IHA TINAN 2020 TO’O 2023KOBRE BA PONTUS HIRAK MAK HANESAN:

1. GARANTE BA KRESIMENTU NO SUSTENTABILIDADE BA FUNDU PETROLÍFERU NO FUNDO MINEIRU;

2. ASEGURA AVALIASAUN NO PROMOSAUN BA REKURSUS PETROLÍFERU NO MINERAIS;

3. REKURSU UMANU;

4. NEGOSIASAUN KAMPU GREATER SUNRISE (ANPM);

5. DEZENVOLVIMENTU INSTITUSIONAL;

6. DEZENVOLVIMENTU INDÚSTRIA MINEIRA;

7. REDEFINISAUN PROJETU TASI MANE;

8. TRANSPARÊNSIA IHA SEITOR PETROLEO E MINERIAS (EXTRATIVAS);

9. TIMORGAP NIA ATIVIDADE EXPLORASAUN NO PROGRESUS TOMAK;

10. ESTUDU BA SISTEMA PETROLÍFERU “ONSHORE NO OFFSHORE”, REKURSUS METÁLIKUS NO NÃUN-METÁLIKUS;

11. IPG, IDENTIFIKA POTENSIAL REKURSUS HÍDRIKUS SUBTERRÂNEUS, MAPEAMENTU GEOLÓGIKU, RISKU GEOLÓGIKU NO GEOTÉKNIKU;

12. INSTALASAUN BA “CORE-STORAGE FACILITY” NO DESENHO DETALHADU BA LABORATÓRIU GEOLÓGIKU;

13. AKIZISAUN BA FUTURU INSTALASAUN EDIFISIU MPM NO INSTITUISAUN TUTELAS SIRA;

14. SEKRETARIADU BA KONSELLU SUPERVIZAUN BA REGIME ESPESIAL GREATER SUNRISE.

Iha fatin hanesan Prezidente Konsellu Administrasaun Timor Gap, Engº. António José Loiola de Sousa, halao mos aprezentasaun kona-ba atinjimentus hotu no progresus servisus tomak husi Empreza Estatal Timor Gap nian, ligadu ho Projetus sira iha Upstream, Downstream, Projetu Greater Sunrise nomos Projetu Tasi Mane nian, no Prezidente ANPM, Engº. Florentino Mateus Ferreira Soares, halao aprezentasaun ne’ebé mak detailhadus kona-ba atijimentus no progressus tomak mak durante ne’e Autoridade Reguladora ANPM atinji ona ho sussesu.

Liu husi Programa Sensibilizasaun refere, partisipantes sira mak hola parte iha Programa ne’e, louva no apresia tebes ho respostas hotu mak Ministru Petróleu no Minerais hamutuk ho Prezidente ANPM no Prezidente Timor Gap responde ba perguntas hirak ne’ebé mak hato’o husi partisipantes sira mak hola parte iha Programa sensibilizasaun refere.