𝐌𝐏𝐑𝐌 𝐒𝐀𝐈 𝐈𝐍𝐒𝐏𝐄𝐓𝐎́𝐑 𝐁𝐀 𝐊𝐎𝐌𝐄𝐌𝐎𝐑𝐀𝐒𝐀𝐔𝐍 𝐋𝐎𝐑𝐎𝐍 𝐏𝐑𝐎𝐊𝐋𝐀𝐌𝐀𝐒𝐀𝐔𝐍 𝐈𝐍𝐃𝐄𝐏𝐄𝐍𝐃𝐄́𝐍𝐒𝐈𝐀 𝐈𝐇𝐀 𝐋𝐎𝐒𝐏𝐀𝐋𝐎𝐒

Sua Eselénsia Ministru Petróleu no Rekursus Minerais, Francisco da Costa Monteiro sai inspektór ba komemorasaun loron Proklamasaun Independénsia Unilaterál 28 Novembru iha iha Postu Administrativu Lospalos, Munisípiu Lautem.

Iha eventu ne’e, diskursu sua Eselénsia Prezidente Repúblika, José Ramos-Horta transmite simultánea ba territóriu laran, hodi fasilita sidadaun sira, akompaña mensajen ne’ebé Xefe Estadu transmite ba povu no nasaun.

Diskursu ne’e foka liu ba importánsia independénsia iha área oioin hanesan agrikultura, indústria, enerjia, jestaun bee, no integrasaun rejionál ba ASEAN no Organizasaun Mundiál Komérsiu.

Aprezenta mos kompromisu atu alkansa Objetivu Dezenvolvimentu Sustentavel (ODS), liuliu iha área hemenus kiak, igualdade jéneru, edukasaun, saúde no sidade sustentavel sira. Nia mós subliña importánsia husi infraestrutura no konetividade dijitál iha preparasaun adezaun ba ASEAN.

Komemorasaun ne’e hetan partisipasaun máxima husi veteranu no populasaun husi Postu Administrativu Lospalos, Munisípiu Lautem.