𝐌𝐏𝐑𝐌 𝐕𝐈𝐙𝐈𝐓𝐀 𝐏𝐑𝐎𝐉𝐄𝐓𝐔 𝐄𝐒𝐓𝐑𝐀𝐓𝐄́𝐉𝐈𝐊𝐔 𝐒𝐈𝐑𝐀 𝐈𝐇𝐀 𝐂𝐎𝐕𝐀𝐋𝐈𝐌𝐀

Sua Eselénsia Ministru Petróleu no Rekursus Minerais, Francisco da Costa Monteiro, akompaña husi  Señor Vise Prezidente TIMOR GAP, E.P., Alexandre Cristôvão vizita projetu estratéjiku ligadu ho Suai Supply Base, relasiona ho intensifikasaun husi industria petrolifera iha Tasi Mane.

Obra importante ida mak estasaun kombustível TIMOR GAP, E.P. ne’ ebé disponibiliza kombústivel ba helikoptru ho padraun internasionál no jere husi tékniku kualifikadu ne’ebé hetan formasaun espesializada iha Indonézia no kombustível ne’e, fornese husi Kompaña Esperansa Timor Oan –  ETO. 

Estasaun ne’ e importante hodi assegura helikoptru rua husi WEBSTAR-GAP AVIATION (subsidiáriu husi TIMOR GAP, E.P no Webstar Group ) ne’ ebé tula traballadór sira ba plataforma Bayu Undan no sei uza Aeroportu Komandante Ein Xefe FALINTIL, Kayrala Xanana Gusmão Covalima hanesan baze ba operasaun.

Delegasaun ne’e  mós vizita Aeroportu Covalima hodi rona esplikasaun ekipa téknika husi Autoridade Aviasaun Sívil Timor-Leste – AACTL, relasiona ho utilizasaun Aeroportu Covalima sai sentru lojístiku, hodi ajuda dezenvolvimentu indústria petrolífera iha onshore no offshore iha Kosta Súl.

Iha Suku Holbelis, Postu Administrativu Suai, CHL Unipessoal LDA hanesan Kontratór no Detile Consultant LDA hanesan konsultór ateru rai no konstrui murru protesaun ba projetu habitasaun komunitária ne’ebé destina ba sidadaun afetadu husi projetu konstrusaun Aeroportu Covalima ne’ebé prevé finaliza iha fulan Marsu tinan 2026 no vizita Sua Eselénsia Ministru Petróleu no Rekursus Minerais atu atualiza progressu fíziku ne’ ebé la’ o iha terrenu.

Sua Eselénsia Ministru Petróleu no Rekursus Minerais, Francisco da Costa Monteiro aprezenta iha abertura kursu lian inglez iha Suku Camanasa kona-ba aumentu husi projektu sira ligadu ho atividade indústria petroífera iha Covalima ne’ ebé mak sei iha efeitu ba ekonomia lokál no ba nasaun tomak.