Sesta, 20 Junho 2025
Ministerio do Peroleo no Recursos Minerais, liu husi Sekretariadu TL-EITI hala’o Desiminasaun ba Relatoriu TL-EITI nian ba da-15 tinan fiskal 2025 ho topiku “Pratika Global transparénsia no akontabilidade ne’ebe enkuadramentu ho sistema finansas estado Timor-Leste nian, liu husi produz relatoriu Timor-Leste EITI ba dala 15”.
Programa Desiminasaun ne’ebe hala’o husi Sekretariadu TL-EITI hamutuk ho grupu multi-setoral interasada sira aprezenta relatoriu TL-EITI 2022 ba entidade relevante RAEOA.
Koordenadora TL-EITI Emilia dos Santos de Jesus hateten, objetivu husi programa desiminasaun relatoriu TL-EITI ba dala 15 tinan fiskal 2022 ne’e mak atu partilha informasaun hodi bele aumenta kunhesimentu ba publiku kona-ba reseita hirak ne’ebe mak kontribui ba orsamentu jeral do estadu.
Hatutan koordenadora TL-EITI, prosesu EITI iha Timor Leste ne’ebe lansa iha tinan 2003 promove ona governasaun diak no trasparansia ba nasaun hirak ne’ebe mak riku iha Petroleu, gas no minerais. Timor Leste nia relatoriu EITI ba dala 15 ne’e kobre husi periodu fulan Janeiro 2022 to loron 31 fulan Dezembru 2022. Relatoriu ne’e refleta komitmentu ba transparansia divulga informasaun detalhada kona-ba pagamentu ba kompanha estrativa sira ba governu.
Koordenadora TL-EITI Emilia dos Santos de Jesus hateten, importansia husi relatoriu ne’e mak sai nudar instrumentu ida hodi promove transparansia, relatoriu ne’e kapasita grupu multi-setoral interasada sira atu halo advokasia ka politika no pratika ne’ebe promove dezenvolvimentu sustentavel no distribusaun ejekutiva.
Iha fatin hanesan, Diretor Geral MPRM hanesan representante Sua.Excia Ministro Petróleo no Recursos Minerais akresenta katak rekursu petroleu no mineral laos renovavel, tanba ne’e estadu presiza jere no investe ho diak hodi kontribui ba dezenvolvimentu ekonómiku sustentavel. Setór petróleo, gas no mineral sai hanesan interese nasional.
Partisipa iha Desiminasaun Relatoriu ida ne’e kompostu husi, Representante Autoridade RAEOA, Administrador Posto Pante Makasar, Representante Kooredanor ZEEDOA, Conselho Veteranos RAEOA, PNTL, F-FDTL, Autoridade Lokal, Organizasaun Religiozo, grupu multi sectoral, kargus Diresaun no Xefias MPRM.
