𝐆𝐎𝐕𝐄𝐑𝐍𝐔 𝐀𝐏𝐑𝐄𝐙𝐄𝐍𝐓𝐀 𝐈𝐍𝐅𝐀𝐄𝐒𝐓𝐑𝐔𝐓𝐔𝐑𝐀 𝐅𝐀𝐒𝐈𝐋𝐈𝐓𝐀𝐃𝐎𝐑𝐀 𝐁𝐀 𝐈𝐍𝐃𝐔́𝐒𝐓𝐑𝐈𝐀 𝐏𝐄𝐓𝐑𝐎𝐋𝐈́𝐅𝐄𝐑𝐀𝐒 𝐈𝐇𝐀 𝐊𝐎𝐒𝐓𝐀 𝐒𝐔́𝐋 𝐁𝐀 𝐖𝐎𝐎𝐒𝐈𝐃𝐄 𝐄𝐍𝐄𝐑𝐆𝐘

Ministériu Petróleu no Rekursus Minerais no TIMOR GAP, E.P., aprezenta infrastruturas fasilitadoras ba indústria petrolíferas iha Kosta Súl, ba ekipa husi Woodside Energy ne’ebé hala’o vizita ba infrastruturas no projetu iha Covalima no mós futuru instalasaun Planta TLNG, Petrokímika no refinaria iha Natarbora.

Iha Covalima, ekipa husi TIMOR GAP no Autoridade Nasionál Navegasaun Áerea Timor-Leste – ANATL, aprezenta infraestruturas existente hanesan Aeroportu Suai ho ninia kapasidade no fasilidade moderna, projektu habitasaun komunitária no auto estrada, projetu Supply Base ho nia impaktu diretu no indiretu ba ekipa husi Wooside Energy.

Hafoin asiste aprezentasaun, Ekipa husi Woodside vizita aeroportu Suai ne’ebé sei sai reforsu ba indústria Kosta Súl, habitasaun komunitária hamutuk 72 desinadu ba sidadaun afetadu husi Aeroportu Suai, konstrusaun zona habitasaun foun ne’ebé sei finaliza iha tempu besik, auto estrada ne’ebé finaliza ona kilometru 30 resin no prevé konstriui tan kilometru 80 resin to’o Natarbora no Projetu Suai Supply Base ne’ebé kontratu Design Building and Finance – DBF iha prosesu.

Iha tempu badak Sua Eselénsia Ministru fiar katak, hafoin prosesu iha Komissaun Nasional Aprovizionamentu (CNA – Sigla iha Portuguez) finaliza, bele prosede ba dezeñu detalladu, tamba TIMOR GAP, E.P. halo ona estudu Topográfiku, Jeofizika, Benthic & Motocen no investigasaun jeotéknika, ne’ eb’e permite atu realiza konstrusaun iha tinan oin no finaliza iha tinan hirak mai, hodi posibilita kompaña Joint venture atu inisia projetu, ho reforsu husi polítika no apoiu plenu husi governu Timor-Leste.

Sua Eselénsia Ministru Petróelu no Rekursus Minerais, Francisco Monteiro tenik katak, Suai designadu ba Suai Supply Base, ho reforsu obra existente hanesan Aeroportu Suai no auto estrada, ne’ebé sei suporta indústria petrolíferas.

Tuir Sua Eselénsia Ministru, ho vizita ba obras ne’ebé eziste no planu governu nian, Woodside bele konsidera atu enkuadra iha planu ba dezenvolvimentu Greater Sunrise iha futuru no indústria ne’e sei iha impkatu multiplikadora iha futuru.