𝐖𝐎𝐎𝐃𝐈𝐒𝐄 𝐄𝐍𝐄𝐑𝐆𝐘 𝐇𝐀𝐌𝐄𝐓𝐈𝐍 𝐊𝐎𝐎𝐋𝐀𝐁𝐎𝐑𝐀𝐒𝐔𝐀𝐍 𝐇𝐎 𝐆𝐎𝐕𝐄𝐍𝐑𝐔 𝐍𝐎 𝐓𝐈𝐌𝐎𝐑 𝐆𝐀𝐏 𝐇𝐎𝐃𝐈 𝐃𝐄𝐙𝐄𝐍𝐕𝐎𝐋𝐕𝐄 𝐆𝐑𝐄𝐀𝐓𝐄𝐑 𝐒𝐔𝐍𝐑𝐈𝐒𝐄

Woodside Energy reitera ninia kompromissiu atu koolabora di’ak liu-tan ho Ministériu Petróleu no Rekursus Minerais no TIMOR GAP, E.P., hodi dudu dezenvolvimentu projetu Greater Sunrise.

Pozisaun husi Kompaña Petrolífera ne’e hato’o husi Señora Vise Prezidente Exekutivu ba Tékniku no Dezenvolvimentu Enerjétiku Julie Fallon waihira hamutuk ho ekipa ekipa téknika Woodside, vizita futuru instalasaun ba TLNG iha Natarbora no rona aprezentasaun husi ekipa Timor-Leste kona-ba planu no atividadade ne’ebé realiza iha terrenu.

Ekipa Woodside mos agradese resepsaun kultuál husi lia na’in iha Natarbora ne’ebé husu atu apoia realizasaun dada kadoras husi Kampu Greater Sunrise mai Natarbora.

Ba Sua Eselénsia Ministru Petróleu no Rekursus Minerais, Francisco da Costa Monteiro, vizita husi Ekipa Wooside iha Covalima no Natarbora, la’os haré deit planu no dezeñu sira, maibé motiva atu foti desizaun lalais, hodi dada kadoras mai Timor-Leste. Governu nia pozisaun klara katak Kadoras mai Timor no kontinua halo esforsu oi-oin atu garante partisipasuan kompaña sira.

Governu defini ona planu no halo investimentu barak hodi kria infrasrturuas fasilitadoras no kontinua aposta ba inisiativa ne’e hodi oi-oin, atu realiza Kadoras mai Timor-Leste no dezenvolve kadoras husi Kampu Bayu Undan hamutuk ho Kampu Chudich no kampu seluk ne’ebé besik, hodi prosesa iha Natarbora, hodi impulsiona dezenvolvimentu ekonómiku.