Hanesan parte ida misaun ofisiál iha Illa Solomon, Sua Ministru Petróleu no Rekursus Minerais, Francisco da Costa Monteiro, partisipa iha kominemorasaun Loron Independénsia Illas Salomon ba dala-47, iha Honiara ne’ebé realiza iha loron 7 fulan Jullu, tinan 2025. Prezensa Sua Eselénsia Ministru, bazeia ba konvite husi Gabinete Primeiru-Ministru, hodi reafirma amizade no kooperasaun entre nasaun rua.
Hafoin komemorasaun, Sua Eselénsia Ministru Francisco Monteiro partisipa iha enkontru bilateral ho Sua Eselénsia Ministru Negósius Estranjeirus no Komérsiu Externu husi Illas Salomon, Peter Shanel Agovaka no Sua Eselénsia Ministru Minas, Enerjia no Elektrifikasaun Rural husi Illas Salomon, Derrick Rawcliff Manuari.
Durante enkontru, Sua Eselénsia Ministru Monteiro kongratula loron Independénsia Illas Salomon no destaka papél nasaun nian, nu’udar lideransa g7+ iha futuru. Parte rua deskuti kona-ba konsolidasaun ba relasaun bilaterál, liu-liu iha jestaun rekurus naturais no aseita toka espesiénsia nafatin iha kontekstu g7+.
Sua Eselénsia Ministru Monteiro mos aprezenta delegasaun husi Timor-Leste ne’ebé akompaña no fahe esperiénsia Timor-Leste nian iha jestaun no dezenvolvimentu setór petróleu no minerais. Deskuti mos potensiál kolaborasaun iha àrea mapeamentu jeolójiku, formasaun no enkuadramentu legal no instituisionál ba indústria extrativa.
Vizita ba Illas Salomon refleta ba Timor-Leste nia kompromisu ba kooperasaun nasaun frájil ho nasaun frájil (fragile-to-fragile cooperation) no partisipasaun ativu iha aprendizajen kona-ba jestaun rekursus naturais liuhosi inisiativa g7+.