𝐀𝐃𝐄𝐙𝐀𝐔𝐍 𝐁𝐀 𝐀𝐒𝐄𝐀𝐍 𝐇𝐀𝐍𝐄𝐒𝐀𝐍 𝐌𝐀𝐑𝐊𝐔 𝐇𝐈𝐒𝐓𝐎́𝐑𝐈𝐊𝐀 𝐁𝐀 𝐓𝐈𝐌𝐎𝐑-𝐋𝐄𝐒𝐓𝐄

𝐿𝑎𝑟𝑔𝑜 𝐿𝑒𝑐𝑖𝑑𝑒𝑟𝑒, 26 𝑂𝑢𝑡𝑢𝑏𝑟𝑢 2026

Sua Eselénsia Ministru Petróleu no Rekursus Minerais, Francisco da Costa Monteiro partisipa iha eventu komemorativu adezaun Timor-Leste ba ASEAN, ne’ebé realiza iha Largo Lecidere, hodi komemora adezaun formal Timor-Leste ba ASEAN iha simeira ASEAN iha Malazia.

Reprezentante Embaxadór Malázia no Enkarregadu ASEAN tenik katak, Timor-Leste lori história únika riku kultura ba ASEAN no kompromissu firme ba dame, demrokasia no kooperasaun rejionál no fiar katak, Timor-leste sei kontribui maka’as hodi fahe ba malu kona-ba polítika seguransa, kooperasaun, dezenvolvimentu ekonómiku no progressu sósiu kultural. Nasaun membru ASEAN sei koolabora estreitamente ho Timor-Leste hodi hari’i paz, properiedade no sentradu iha ema, hodi hamutuk halo ASEAN sai reziliente, inkiluziivu no sustentabilidade.

Hafoin adere ofisialmente ba ASEAN iha Malázia, Sua Eselénsia Primeiru Ministru Kay Rala Xanana Gusmão aprezenta gratidaun klean ba estadu membru, Prezidente ASEAN, Sekretariadu no parseiru ba diálogu, ne’ebé depozita konfiansa, insentiva no solidarize, hodi Timor-Leste alkansa momentu históriku ne’ebé Timo-Leste aprezenta kandidatura iha tinan 2011, tanba adezaun ne’e la’os de’it realizasaun mehi, maibé afirmasaun forte husi Timor-Leste nia jornada, ne’ebé marka ho reziliénsia, determinasaun no esperansa.

Tuir Xefe Governu, Timor-leste kompromete atu fahe valor fundamental sira ASEAN nian, hanesan respeitu mútua, kooperasaun pasífika, unidade iha viversidade no soliedariedade rejionál. Alkansu ida sei lori oportunidade barak iha komérsiu, investimentu, edukasuan no ekonomia djital no Timor-Leste pronto atu aprende, ba inovasaun no governasaun diak, hametin instituisaun ba dezenvolvimentu sustentável.