𝐌𝐏𝐑𝐌 𝐇𝐎 𝐍𝐈𝐀 𝐄𝐍𝐓𝐈𝐃𝐀𝐃𝐄𝐒 𝐓𝐔𝐓𝐄𝐋𝐀 𝐒𝐈𝐑𝐀 𝐀𝐊𝐎𝐌𝐏𝐀𝐍𝐇𝐀 𝐕𝐈𝐂𝐄 𝐏𝐑𝐈𝐌𝐄𝐈𝐑𝐎 𝐌𝐈𝐍𝐈𝐒𝐓𝐑𝐎 𝐈𝐇𝐀 𝐀𝐔𝐃𝐈𝐄𝐍𝐒𝐈𝐀 𝐏𝐔𝐁𝐋𝐈𝐊𝐀 𝐊𝐎𝐍𝐀𝐁𝐀 𝐊𝐎𝐍𝐓𝐀 𝐆𝐄𝐑𝐀𝐋 𝐄𝐒𝐓𝐀𝐃𝐎 𝟐𝟎𝟐𝟒

𝑃𝑎𝑟𝑙𝑎𝑚𝑒𝑛𝑡𝑢 𝑁𝑎𝑠𝑖𝑜𝑛𝑎𝑙, 23 𝐽𝑎𝑛𝑒𝑖𝑟𝑢 2026

Sua Eselénsia Ministru Petróleu no Rekursus Minerais, Francisco da Costa Monteiro, akompaña Sua Eselénsia Vise Primeiru Ministru no Ministru Koordenadór Assuntus Ekonómiku, Francisco Kalbuady Lay hamutuk ho Ministériu hanesan MPIE, MOP no MTK, partisipa iha Sexta-Feira ne’e, debate Konta Jerál Estadu tinan 2024 iha Parlamentu Nasionál

Sua Eselénsia Vise Primeiru Ministru konsidera katak, relatoriu husi Tribunal das Contas reprezenta espiritu demokrátiku no estabilidade institusionál ne’ebé permite promosaun transparensia, responsabilidade no estabilidade governativa. Konta Jerál Estadu tinan 2024 la’os de’it dokumentu tékniku, maibé dokumentu polítiku tanba, refleta prioridade politika, ne’ebe governu lori ba Parlamentu Nasional, hodi aprova no exekuta ho responsabilidade.

Ba governu, implementasaun rekomendasaun husi Tribunal das Contas hanesan responsabilidade koletiva tanba, Parlamentu Nasionál iha responsabilidade atu fiskaliza, insituisaun auditória (Tribunal das Contas) halo avaliasaun kontinuadamente, hodi ajuda konsolidasaun instituisional, aumenta transparensia no manifesta katak, utilizasaun Orsamentu Jerál Estadu – OJE ba de’it interesse komum.

Relasiona ho reseitas husi entidade tutela iha Ministériu Petróleu no Rekursus Minerais, hanesan Autoridade Nasional Minerais – ANM, I.P., no Autoridade Nasional Petróleu – ANP, I.P., Sua Eselénsia Ministru Monteiro apresia relatóriu husi Tribunal das Contas no garante regulamentasaun no jestaun kontabilístika iha futuru, tuir rekomendasaun husi entidade auditoria.