Palásiu Governu, 10 Fevereiru 2026
Sua Eselénsia Ministru Petróleu no Rekursus Minerais, Francisco da Costa Monteiro akompaña Sua Eselénsia Priemeiru Ministru, Kay Rala Xanana Gusmão hamutuk ho membru governu hanesan MCI, MPIE no MF, hasoru malu ho empreza Malasian Resources Coorporation ne’ebé interessadu atu investe iha Timor-Leste.
Sua Eselénsia Primeiru Ministru tenik katak, setór konstrusaun, petróleu, komérsiu, finansa no setór importante seluk hanesan àrea ne’ebé empreza hakarak investe no sei komunika ho ministériu sira, hodi deskuti detalladamente área ne’ebé atu dezenvolve.
Diretór Jerál Malaysian Resources Corporation Berhad – MRCB Dato ‘Imran Salim ne’ebé lidera delegasaun, akompaña husi Sua Eselénsia Embaixador Malazia iha Timor-Leste, Dato’ Amarjit Sarjit Singh, konsidera katak, enkontru ho Sua Eselénsia Primeiru Ministru ho membru governu sira produtivu teb-tebes no manifesta disponibilidade atu halo investimentu iha futuru.