Díli, 9 Fevereiru 2026
Sua Eselénsia Ministru Petréoleu no Rekurus Minerais, Francisco da Costa Monteiro simu Sua Eselénsia Embaixadór Portugal mai Timor-Leste, Duarte Bué Alves, ne’ebé troka Embaixadora, Manuel Bairos iha fulan Setembru tinan 2025.
Durante enkontru, Sua Eselénsia Ministru fahe informasaun kona-ba dezenvolvimentu setór petróleu no minerais ne’ebé la’o intensivu los no esplika mós prosesu negosiasuan ba dezenvolvimentu kampu Greater Sunrise atu mai Timor-Leste.
Dezde restaurasaun independénsia iha tinan 2002, Portugal no Timor-Leste mantein kooperasaun iha domíniu oi-oin, dezde formasaun língua portugueza, ekonomia no setór importante seluk ne’ebé kontribui desizivamente ba konsolidasaun estadu.
Programa estratéjiku ba kooperasaun ba tinan 2024 to’o 2028 ho investimentu ekivalente ho euro millaun 75 ba dezenvolvimentu ekonómiku no área xavi seluk ne’ebé ho intensaun atu apoia kresimentu ekonómiku iha Timor-Leste.
