“Ho Transparénsia De’it Mak Bele Redús Korupsaun, Ki’ak no Konflitu”
Timor-Leste deklara adere ba Extractive Industries Transparency Initiative (EITI) iha tinan 2003, hodi asegura transparénsia ba iha rekursu naturais no fasilita informasaun ba públiku. rekursu sira ne’e la jere ho apropriadu bele hamosu korupsaun iha nasaun sira ne’ebé riku ho Oleo,Gás no Minerais. Ho EITI buka hodi hatún risku diversaun no korupsaun sei labele akontese se Institusaun hotu iha kometimentu maka’as ba transparénsia ba kolesaun rendimentu hosi setór Oleo, Gás no Minerais.
Maske iha diverjensia polítika no novo governasaun maibe provas hatudu ona katak desde governu konstitusionál dahuluk to’o daualuk kontiñua kometimentu nafatin hodi mantein polítika implementa EITI. Liu hosi partisipasaun iha EITI de’it mak Timor-Leste buka hodi melhora di’ak liutan transparénsia no kontabilidade kona-ba oinsa rekursu naturais nasaun nian bele jere ho di’ak ne’ebé promove debate públiku sira hodi eleva koñesimentu iha setór estrativa no para mellora di’ak liutan sistema boa governasaun hodi atrai Timor-Leste hanesan destinasaun ba investimentu estranjeiru.
Kometimentu Governu no Kria Espasu
Eskritoria Sekretariadu TL-EITI estabelese iha Jullu tinan 2008, nu’udar unidade hosi Ministériu do petróleo e Recursos Minerais ba asegura ezistensia Grupu Servisu Multi Stakholder (GSMS).
Sekretariadu ne’e harii ho objetivu hodi koordena, organiza no apoiu atividade sira GSMS.
Funsionamentu Sekretariadu hodi ezekuta planu no programa sira inklui jere kontaktu ho entidade sira ne’ebé identifika iha eskopu ba preparasaun relatóriu. parte seluk, Sekretariadu mos responsabiliza ba promove EITI ba públiku no setór privadu, liuhosi enkontru regular, no mos organiza kolókiu, semináriu no diseminasaun hodi eleva koñesimentu kona-ba importansia kometimentu governu ba implementasaun EITI iha Timor Leste.
