Perth, Australia Osidental, Tersa-Feira, 28/Junhu/2022-Ministru Petróleu no Minerais Dr. Victor da Conceição Soares, akompanha husi Exelênsia Embaixadora Timor-Leste ba Australia, Sra. Inês de Almeida hamutuk ho Delegasaun husi Ministériu Petróleu no Minerais (MPM) mak kompostu husi Xefe Gabinete Ministru Petróleu no Minerais, Sr. Valente Ferreira, M.Sc, Diretor Nasional Polítika, Planeamentu, Monitorizasaun no Avaliasaun MPM, Sr. Leovigildo Pires Pereira, M.Sc, Sekretária Exekutiva Ministru Petróleu no Minerais, Engª. Regina Rodrigues no Assesor Tékniku MPM, Engº. Gilsel Borges, halao reuniaun ofisial ho Exekutivu nu’udar Jestor ba Kompanhia Schlumberger iha Perth, Australia Osidental.Objetivu husi reuniuan ofisial refere, hodi koalia kona-ba assuntus mak hanesan: vizaun estratéjiku Schlumberger nian, nomos kooperasaun entre Schlumberger ho Ministériu Petróleu no Minerais, liu-liu ho Instituisaun Tutelas sira, hanesan: IPG, TIMOR GAP no ANPM. Iha reuniaun ne’e, husi parte Kompanhia Schlumberger mos akresenta katak, sira prontu atu halo kooperasaun no fo assistensia téknika ba Timor-Leste, liu husi transfere skill no treinamentu ba iha área petróleu, gás, mineirus no jeotermal.Ministru Petróleu no Minerais Dr. Victor da Conceição Soares, liu husi reuniaun ne’e, expressa interese Ministériu Petróleu no Minerais ho Instituisaun Tutelas sira nian ba Schlumberger, atu oinsa bele servisu hamutuk iha setor petróleu no minerais, apoiu assistencia téknika, skills transfer no training inklui areas relevantes sira seluk.Tamba MPM konsidera katak jestaun ba dadus ho informasaun husi rekursus pétroleu no minerais importante teb-tebes ba país.
