Delegasaun husi Ministerio Petroleo no Minerais ho ANPM iha Australia semana ne’e promove oportunidade minas iha Timor-Leste ba empreza mineira Australiana nian. Aproveita oportunidade ida ne’e, ulun husi delegasaun Ministro Victor da Conceição Soares akompaña husi Embaixadora Timor-Leste ba Australia Inês Almeida no Presidente ANPM Florentino Soares Ferreira hasoru Ministra Rekursu Australiana Madeleine King. Durante reuniaun Timor-Leste reafirma ninian pozisaun hodi dezenvolve projeitu Greater Sunrise liu husi dada kadoras mai Timor-Leste.
Timor-Leste hare importansia husi ekonomia hodi dezenvolve Greater Sunrise iha Timor-Leste. Durante reuniaun Timor-Leste reafirma ninian pozisaun no komprimisiu hodi dezenvolve Greater Sunrise liu husi dada kadoras mai iha Timor-Leste. Tuir oficiais sira ne’ebé marka prezensa iha reuniaun refere hato’o ba Ministra katak estudus viabildades sira hotu ne’ebé mak halo husi inisiu too agora ho objetivu atu dezenvolve Greater Sunrise iha Timor-Leste. Timor-Leste iha asesu ba ajensia financeira internasional ne’ebé mak hakarak atu finansia projeitu refere. Ao mesmo tempo, Timor-Leste ninian empreza mina nacional TIMOR GAP, E.P. ne’ebé mós nudar membru konsórsiu ho acoeñs bo’ot tebes iha projeitu Greater Sunrise asegura ona mós merkadu ba komprador husi gas Sunrise nian iha rejiaun no global – tanba ne’e Timor-Leste hare Dezenvolvimentu ba Greater Sunrise iha Timor-Leste nudar opsaun ida viavel tebes no Timor-Leste nian pozisaun uniku mak atu avansa ho Greater Sunrise wainhira ita dezenvolve Greater Sunrise liu husi kadoras mai Timor-Leste.
Timor-Leste afirma mos katak teknikamente no komersialmente Dezenvolvimentu ba kampo Greater Sunrise iha Timor-Leste mak viavel liu. Ministra Rekursu Australiana ne’e nota pozisaun governu Timor-Leste nian no enkoraja atu kontinua kolabora ho parte ne’ebé involve. Ministra ne’e mós promote atu passa informasaun sobre pozisaun Timor-Leste nian ba nia maluk sira seluk.
