Sua EselΓ©nsia Ministru PetrΓ³leu no Rekursus Minerais, Francisco da Costa Monteiro, simu vizita husi Sua EselΓ©nsia, Embaixadora Portugal iha Timor-Leste, Maria Manuela Freitas Bairros, hodi koβalia kona-ba relasaun bilateral entre nasaun rua.
Iha sorumutu neβe, EselΓ©nsia Ministru mos aprezenta importΓ‘nsia husi seitΓ³r petrΓ³leo no rekursus minerais, ba dezenvolvimentu ekonΓ³miku no manifesta disponibilidade Timor-Leste nian, hodi simu empreza portugueza neβebΓ© hakarak investe iha seitΓ³r neβe.
Dadaun neβe, MinistΓ©riu PetrΓ³leu no Minerais prepara hela kuadru legal hanesan Petroleum Mining Code, Tax Regime no Production Sharing Contract, hodi loke dalan ba negosiasaun, nuneβe bele garante kadoras Greater Sunrise mai Timor-Leste.
Embaixadora Maria Manuela Freitas Bairos deklara disponibilidade Portugal nian, hodi oferese bolsa estudu ba Timor-oan sira, hodi prepara rekursu humanus kualifikadus.