Laga, Segunda-Feira, 11/Outubru/2021-Ministru Petróleu no Minerais, Dr. Victor da Conceição Soares, halao sorumutu komunitariu ba koordenasaun servisus hamutuk ho Administrador Postu Administrativu Laga.Sorumutu refere, halao iha edifisiu Administrador Postu Administrativu Laga, no marka mos prezensa husi Komandante Eskuadra PNTL Laga, Konsultan no Engiñerus husi Kompanhia Dongsung ne’ebé mak dadaun ne’e konstrui hela estrada iha área Postu Administrativu Laga, Komunidade ne’ebé mak afetadu husi konstrusaun estrada refere, hodi hetan apoiu liu husi mediasaun ne’ebé mak Ministru Petróleu no Minerais ajuda no fasilita hodi buka solusaun, hodi nune’e responde ona ba pedidu husi Administrador Postu Administrativu Laga, sorumutu ne’e halao, wainhira Ministru Petróleu no Minerais konklui ona loron ikus ba Kampaña Nasional ba Vasinasaun kontra Covid-19 iha Laga no Quelicai.Resultadu husi mediasaun ne’e, Ministru Petróleu no Minerais, Dr. Victor da Conceição Soares, sei enkaminha mai iha Ministériu relevantes sira hodi solusiona dezentendementu refere, atu nune’e la impede dezenvolvimentu husi konstrusaun estrada ne’ebé mak dadaun ne’e halao hela iha Postu Administrativu Laga.
