Baucau, Segunda-Feira, 04/Outubru/2021-Ministru Petróleu no Minerais, Dr. Victor da Conceição Soares, hamutuk ho membrus VIII Governu Konstitusionál, mak kompostu husi Ministru Turizmu Komérsiu & Indústria Dr. José Lucas do Carmo da Silva, Vise-Ministru Administrasaun Estatal, Sr. Lino de Jesús Torrezão, Vise-Ministru Obras Públikas, Sr. Nicolau Lino Freitas Belo, no mos Prezidente Autoridade Munisipiu Baucau, Sr. Olivio Freitas, Reprezentante UNICEF no Reprezentante Ministériu Saúde, dr. Nilton do Carmo da Silva, partisipa iha abertura ba Kampaña Faze Segundu Vasinasaun Kontra Covid-19, no enkontru nivel Munisipiu Baucau no periodu review ba progresu (Planu Asaun Komunidade ba Saneamentu no Ijeni), ne’ebé mak halao iha Sentru Konvensaun Baucau.Hahu’u husi loron 30 fulan-Setembru to’o loron 23 fulan-Outubru tinan 2021, membrus VIII Governu Konstitusionál nian, partisipa iha kampaña intensiva ba vasinasaun hasoru COVID-19, hodi aumenta persentajen husi Komunidade ne’ebé mak simu vasina COVID-19 nian.
