Baucau, Segunda-Feira, 04/Outubru/2021-Ministru Petróleu no Minerais, Dr. Victor da Conceição Soares, akompanha husi Ekipa Ministériu Petróleu no Minerais, konvoka sorumutu hamutuk ho Autoridade Lokal no ekipa saúde sira, ba preparasaun Kampaña Nasional Faze Segundu Vasinasaun Kontra Covid-19, iha Postu Administrativu Laga no Quelicai, Munisipiu Baucau.
Tuir orariu ne’ebé mak desididu ona, Ministru Petróleu no Minerais, Dr. Victor da Conceição Soares, sei akompanha husi Ekipa husi Ministériu Petróleu no Minerais no Autoridade Lokal ho ekipa saúde sira, sei halao Kampaña Nasional Faze Segundu Vasinasaun Kontra Covid-19, iha Postu Administrativu Laga no Quelicai, Munisipiu Baucau, hahu’u husi loron 5 Outubru 2021 to’o loron 11 Outubru 2021, hafoin Ministru Petróleu no Minerais ho Komitiva termina Programa Kampaña refere, mak ekipa segundu husi Ministériu Petróleu no Minerais, sei desloka husi Dili, hodi mai kontinua hikas akompanha Vise-Ministru Administrasaun Estatal, Sr. Lino de Jesús Torrezão, hodi kontinua halao Kampaña Nasional Faze Segundu Vasinasaun Kontra Covid-19, hahu’u husi loron 11 Outubru to’o loron 15 Outubru 2021.Sorumutu refere halao iha Sentru Konvensaun Baucau.
