Dili, Tersa-Feira, 25/Janeiru/2022-Ministru Petróleu no Minerais, Dr. Victor da Conceição Soares, akompanha husi Diretor Jeral MPM, Dr. Manuel Lemos no Diretor Jeral SEII, Sr. Armando da Costa, halao abertura ba iha Workshop ho tema : ” MATADALAN IGUALDADE JÉNERU NO INKLUZAUN IHA MINISTÉRIU PETRÓLEU NO MINERAIS (MPM) “.Workshop refere, halao iha Salaun Delta Nova, Díli, hahu’u ho rejistu partisipantes sira mak tuir planu sei partisipa husi funsionarius sira husi MPM, ANPM, TIMOR GAP, TL-EITI no mos husi SEII. Hafoin kontinua ho introdusaun kona-ba objetivu husi workshop refere, breves palavras no halao abertura husi Ministru Petróleu no Minerais, Dr. Victor da Conceição Soares, breves palavras husi reprezentante Sekrétaria Estadu ba Igualdade no Inkluzaun, ne’ebé mak reprezenta husi Diretor Jeral SEII, aprezentasaun Planu no Orsamentu ba Programa Igualdade Jéneru no Inkluzaun Sosiál MPM husi DNPPMA-MPM, aprezentasaun Konseitu Igualdade Jéneru no Igualdade Inkluzaun Sosiál husi SEII, aprezentasaun Tamba sa finansas públiku importante ba Igualdade no Inkluzaun Sosiál husi SEII no aprezentasaun kona-ba Polítika Abordajen Integrada Jéneru, Orsamentu Sensível Jéneru no Matadalan oinsa integra Perspetiva Igualdade Jéneru no Inkluzaun iha polítika no Lei sira.
