Tibar-Liquisa, Sesta-Feira, 25/Marsu/2022-Ministériu Petróleu no Minerais (MPM) kontinua halao Mini Retiru hamutuk ho Instituisaun Tutelas ANPM, TIMOR GAP, IPG, ekipa Task Force Empreza Mineira no TL-EITI ba loron daruak iha Sentru Nasional Empregu no Formasaun Profisional (CNEFP), Tibar, Liquisa.Ministru Petróleu no Minerais, Dr. Victor da Conceição Soares, kontinua partisipa iha Mini Retiru refere, ne’ebé mak halao durante loron rua, hahu’u husi loron 24 to’o loron 25 Marsu 2022, ho objetivu hodi harmoniza no konklui Planu Estratéjiku husi Ministériu Petróleu no Minerais, tinan 2020 to’o 2030 no Redifinisaun Konseitu Foun Tasi-Mane.Iha loron daruak husi Mini Retiru ne’ebé mak kumesa iha tuku 09h00 otl ne’e, hahu’u ho ajenda : Introdusaun objetivu no ajenda husi Mini Retiru refere, ne’ebé mak introdus husi Xefe Gabinete MPM, Introdusaun jeral husi Ministru Petróleu no Minerais, Aprezentasaun téknika kona-ba Redifinisaun Konseitu Foun ba Tasi-Mane husi Assesor Tékniku MPM no Diretor ba Projetu Tasi-Mane, Intervensaun no komentarius husi Prezidente ANPM, Intervensaun no komentarius husi Prezidente TIMOR GAP, Intervensaun no komentarius husi Prezidente IPG, Diskusaun entre MPM, ANPM, TIMOR GAP, IPG, Ekipa Task Force Empreza Mineira no TL-EITI, ne’ebé mak lidera husi Assesora Protokolu no Tékniku Espesializadu ba Minerais MPM, Aprezentasaun prioridades husi kada Instituisaun ba tinan 2022 to’o 2023 husi MPM, ANPM, TIMOR GAP no IPG.
No ikus liu sei konklui ho aprezentasaun ba nota no resumu husi Mini Retiru refere, ne’ebé mak halao husi Assesor Tékniku MPM, Assesora Protokolu MPM no Téniku Espesializadu Minerais husi MPM, no hafoin konklui aprezentasaun ikus ne’e, Ministru Petróleu no Minerais, Dr. Victor da Conceição Soares mak ensera Mini Retiru refere.Mini retiru ne’e partisipa maximu husi ekipa Ministru Petróleu no Minerais husi MPM, Prezidente ANPM ho ekipa, Prezidente no Vise Prezidente Timor Gap ho ekipa, Prezidente no Vise Prezidente IPG ho ekipa, Koordenador Task Force ba Empreza Mineira ho ekipa, no mos Koordenadora TL-EITI no ekipa.
