𝐊𝐎𝐍𝐅𝐄𝐑Ê𝐍𝐒𝐈𝐀 𝐍𝐀𝐒𝐈𝐎𝐍𝐀𝐋 𝐌𝐈𝐍𝐈𝐒𝐓É𝐑𝐈𝐔 𝐏𝐄𝐓𝐑Ó𝐋𝐄𝐔 𝐍𝐎 𝐌𝐈𝐍𝐄𝐑𝐀𝐈𝐒

Ministériu Petróleu no Minerais hamutuk ho Instituisaun tutelas ANPM, TIMOR GAP, IPG, CMTL nomos TL-EITI halao Konferênsia Nasional ho Tema : ” 𝙋𝘼𝙋𝙀𝙇 𝙎𝙀𝙏𝙊𝙍 𝙋𝙀𝙏𝙍Ó𝙇𝙀𝙐 𝙉𝙊 𝙈𝙄𝙉𝙀𝙍𝘼𝙄𝙎 𝘽𝘼 𝘿𝙀𝙕𝙀𝙉𝙑𝙊𝙇𝙑𝙄𝙈𝙀𝙉𝙏𝙐 𝙎𝙊𝙎𝙄𝙊𝙀𝙆𝙊𝙉Ó𝙈𝙄𝙆𝙐 𝙎𝙐𝙎𝙏𝙀𝙉𝙏𝘼𝙑𝙀𝙇 𝙄𝙃𝘼 𝙏𝙄𝙈𝙊𝙍-𝙇𝙀𝙎𝙏𝙀 “.

Konferênsia Nasional Ministériu Petróleu no Minerais hamutuk ho Instituisaun tutelas sira ne’e, halao diretamente iha Auditóriu Ministériu Finansas, Aitarak-Laran, Díli.Ministru Petróleu no Minerais, Dr. Victor da Conceição Soares, akompanha husi Brigadeiru Jeneral, Sabika Besi Kulit no Diretor Jeral Ministériu Petróleu no Minerais, Sr. Leovigildo Pires Pereira, M.Eng⁰, Prezidente Konsellu Administrasaun no CEO Timor Gap, Engº. António José Loiola de Sousa, Prezidente ANPM, Engº. Florentino Mateus Ferreira Soares, Prezidente IPG, Eng⁰. Gabriel Aparício, Prezidente Konsellu Administrasaun no CEO Companhia Mineira Timor-Leste (CMTL, S.A), Engº. Eliud de Jesus Gomes, halao abertura offisial ba Konferênsia Nasional refere, no aumesmu tempu simbolikamente prosede lansamentu Relatorius no Boletim Ministériu Petróleu no Minerais nian.

Detaihu husi Dokumentus sira mak lansa iha Konferênsia Nasional Ministériu Petróleu no Minerais ne’e mak konsisti husi :1. Relatoriu Quinquinal (2018-2022);

2. Relatoriu anual 2022;

3. Boletim terseira edisaun 2022;

4. Planu Estratéjiku Dezenvolvimentu 2021-2030;

5. Redifinisaun ba Projetu Tasi Mane;

6. Relatoriu EITI: 2019 ho 2020;

7. Video MPM (rezultadu progresu servisus).

Hafoin halao lansamentu ne’e, Ministru Petróleu no Minerais hato’o breves palavras no boas vindas ba partisipantes sira iha Konferênsia Nasional ne’e, hodi aprezenta Politíka no Programa Ministériu Petróleu no Minerais nian, relativamente ho atinjimentus tomak mak Ministériu Petróleu no Minerais hamutuk ho Instituisaun tutelas ANPM, TIMOR GAP, IPG, CMTL nomos TL-EITI atinji ona durante mandatu VIII Governu Konstitusional nian.

Ministru Petróleu no Minerais, Dr. Victor da Conceição Soares liu husi ninia intervensaun, akresenta katak, ” Governo ida ne’e nia politika em partikular Setor Petróleu no Minerais, atu fo kontinuidade ba implementasaun planu programas hirak ne’ebé mak hatu’ur ona, hahu’u kedas husi I Governu Konstitusional to’o mai VIII Governu Konstitusional ne’e, ho Vizaun hodi kontinua dezenvolve no jere setor petróleu no minerais, hodi garante dezenvolvimentu ekonómiku sustentavel, no liu husi Misaun Ministériu Petróleu no Minerais nian, nu’udar departementu governamental ne’ebé mak responsável ba konsesaun no exekusaun politíka enerjétika no jestaun rekursus minerais, inkluindu petróleu no mineirus estratéjiku sira seluk, nomos ba lisensiamentu no regulasaun ba atividade extrativa, atividade industrial ba benefisiasaun husi petróleu no minerais, inkluindu petrokímika no refinasaun”. Ho valores hodi valoriza Timor-Oan sira, liu husi ninia rekursus naturais ho forma transparente, responsável, inovadora no totalmente komprometida”, sublinha Ministru Petróleu no Minerais, Dr. Victor da Conceição Soares.

Ministru Petróleu no Minerais mos liu husi aprezentasaun, akresenta katak, Ministériu Petróleu no Minerais hanesan orgaun Governamental mak responsável hodi jere no dezenvolve setor Petróleu no Minerais, hodi garante sustentabilidade reseitas ba Fundu Petróleu.

Hanesan pasu konkretu iha ninia asaun hodi assegura sustentabilidade reseita sira iha setor ne’e, Ministériu ne’e, ba tinan 2022 define programa 2, Sub-programa 8 no Atividades 25 ne’ebé mak implementa ona husi MPM ho nia Instituisaun Tutelas sira ( ANPM.I.P., IPG.I.P., TIMOR GAP, CMTL.S.A. nomos TL-EITI).

Husi programa, sub-programa no atividade sira ne’ebé temi iha leten mak lori MPM define prioridade sira hamutuk sanulu resin neen (16) ba tinan 2022. Iha boletin terseira edisaun ne’e, sei relata atinjimentus 11 husi prioridades prinsipal 16, mak hanesan:

𝟏) 𝐆𝐚𝐫𝐚𝐧𝐭𝐞 𝐤𝐫𝐞𝐬𝐢𝐦𝐞𝐧𝐭𝐮 𝐧𝐨 𝐒𝐮𝐬𝐭𝐞𝐧𝐭𝐚𝐛𝐢𝐥𝐢𝐝𝐚𝐝𝐞 𝐛𝐚 𝐅𝐮𝐧𝐝𝐮 𝐏𝐞𝐭𝐫𝐨𝐥í𝐟𝐞𝐫𝐮 𝐧𝐨 𝐤𝐫𝐢𝐬𝐚𝐮𝐧 𝐅𝐮𝐧𝐝𝐮 𝐌𝐢𝐧𝐞𝐢𝐫𝐮.Iha tinan 2022 realiza ona primeira perfurasaun iha rai maran (onshore) husi Kompañia Timor Resources iha Bloku Suai (posu Feto Kmaus no Posu Liurai) no oras ne’e dadaun hein hela rezultadu teste husi laboratorium hodi hatene fontes no tipu fluida husi amostra sira ne’e. Alen de posu rua mensionadu, Timor Resources kontinua nafatin halo perfurasaun ba Posu Lafaek no posu seluk-seluk tan.Husi parte seluk, ANPM desde Janeiru–Setembru 2022, rekolla reseitas ba kofre estadu ho valor USD 1,704,381.54 husi atividade eskavasaun /extrasaun material konstrusaun ( fatuk no rai henek). Reseitas ne’e mai husi Taxa Administrasaun, Taxa Mineira. Entretantu husi Setor Downstream rekolla mos reseita ho valor 1,216,946.57.. Reseitas sira ne’e depozita direta ba konta bankária iha Banku Nasional ultramarino (BNU). Esforsu seluk mak, ANPM asina ona MoU ho kompañia Santos ho objetivu atu transforma Kampu no fasilidades Bayu Undan ba projetu kapturasaun, armazenamentu karbonu (Carbon Capture and Storage-CCS) hafoin produsaun Bayu Undan remata. Objetivu prinsipal mak kontribui ba mitigasaun/ redusaun CO2 husi/kona-bá impaktu mudansa klimatika tuir Politika Mudansa Klimatika iha tinan 2022, bele dezenvolve indústria foun, ajuda deskarbonizasaun iha Rejiaun Asia Pasifiku no loke oportunidade servisu ba Timor oan sira.

𝟐) 𝐀𝐬𝐬𝐞𝐠𝐮𝐫𝐚 𝐀𝐯𝐚𝐥𝐢𝐚𝐬𝐚𝐮𝐧 𝐧𝐨 𝐩𝐫𝐨𝐦𝐨𝐬𝐚𝐮𝐧 𝐛𝐚 𝐑𝐞𝐤𝐮𝐫𝐬𝐮 𝐏𝐞𝐭𝐫𝐨𝐥í𝐟𝐞𝐫𝐮 𝐧𝐨 𝐌𝐢𝐧𝐞𝐫𝐚𝐢𝐬.Atinjimentu importante sira mak, ANPM realiza ona promosaun bloku 18 ba kompañia Nasional no Internasional. Rezultadu husi promosaun ne’e mak kompañia 5 sai hanesan manan nain ba Bloku 5 ( Bloku 3 iha rai maran no Bloku 2 iha tasi laran). Manan nain ba bloku rai maran: (TIMOR GAP E.P. iha bloku A, ETO, Lda. bloku B, HTS Exploration Ltd. iha bloku F), Bloku 2 tasi laran mak: (ENI Australia B.V iha bloku N no Santos NA Timor Leste Pty.Ltd. iha bloku R). Kompañia TIMOR GAP asina ona PSC ho ANPM no kompañia 4 seluk sei iha prosesu nia laran. Husi sorin seluk, ANPM mos lansa ona konkursu públiku ba explorasaun ho eskala bo’ot no extrasaun rai henek ba fins exportasaun (Public tender for Large Scale Exploration and Mining of Sands for Export Purposes) bazeia ba Rezolusaun Guvernu n.o 35/2022, 16 Dezembru.

𝟑) 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐞𝐤𝐮𝐫𝐬𝐮 Ú𝐦𝐚𝐧𝐮 𝐤𝐮𝐚𝐥𝐢𝐟𝐢𝐤𝐚𝐝𝐮 𝐢𝐡𝐚 𝐬𝐞𝐭ó𝐫 𝐏𝐞𝐭𝐫𝐨𝐥í𝐟𝐞𝐫𝐮 𝐧𝐨 𝐑𝐞𝐤𝐮𝐫𝐬𝐮 𝐌𝐢𝐧𝐞𝐫𝐚𝐢𝐬.Ministeriu Petróleu no Minerais kontinua fo prioridade iha área Rekursu Úmanu liu husi atribuisaun Bolsa Estudu lisensiatura, mestradu no kapasitasaun ba komunidade sira afetadu ba projetu Tasi Mane. Atribuisaun Bolsa Estudu iha área Enjeñaria Eolika , Enjeñaria Solár no Analisa Enerjétika & Kontrolu Rede Elétrika ba bolseiru nain 9 ba estuda iha Portugal no Bolsa ne’e exekuta liu husi FDCH. Entretantu, kapasitasaun ba komunidade Beasu-Vikeke hamutuk nain 19 iha área Kalizasaun, Eletrisidade no Soldadura iha sentru Formasaun Profisional no Empregu – Tibar. Formandu sira ne’e kontiñua fali ho formasaun espesifiku iha LNG Bontan, Kalimantan-Indonesia durante fulan sia nia laran.

𝟒) 𝐇𝐚𝐥𝐨 𝐞𝐬𝐟𝐨𝐫𝐬𝐮 𝐡𝐨𝐝𝐢 𝐤𝐨𝐧𝐤𝐥𝐮𝐢 𝐄𝐧𝐤𝐮𝐚𝐝𝐫𝐚𝐦𝐞𝐧𝐭𝐮 𝐋𝐞𝐠𝐚𝐥 𝐧𝐨 𝐀𝐬𝐬𝐞𝐠𝐮𝐫𝐚 𝐏𝐥𝐚𝐧𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐛𝐚 𝐊𝐚𝐦𝐩𝐮 𝐆𝐫𝐞𝐚𝐭𝐞𝐫 𝐒𝐮𝐧𝐫𝐢𝐬𝐞 𝐡𝐚𝐦𝐮𝐭𝐮𝐤 𝐡𝐨 𝐉𝐨𝐢𝐧𝐭 𝐕𝐞𝐧𝐭𝐮𝐫𝐞.Ekipa kontinua halo negosiasaun ba Rejime Espesial Greater Sunrise no hahu fali ona iha inisiu 2022, no iha ona progresu signifikativu liu husi aliñamentu ba asuntu importante lubuk ida entre Estadu Timor Leste no Australia. Aliñamentu entre Estadu rua iha dokumentu hanesan Kontratu Partilla Produsaun (PSC), kódigu Minerasaun Petróleu, Rejime Fiskal, Kompetênsia Juridisional, kontiudu lokal ( local content no desmantelamentu) ba Greater Sunrise. Esbosu ba dokumentu sira ne’e envia ona ba Sunrise Joint Venture ( Woodside, TIMOR GAP, Osaka Gás) hodi hetan sira nia resposta hodi bele halo diskusaun iha enkontru Bilateral ( Estadu rua) no trilateral ( Estadu rua ho Sunrise Joint Ventures (SJV). Wainhira iha ona aprovasaun ba PMC no PSC, mak TIMOR GAP no Joint Venture, sei propoin konseitu ba planu dezenvolvimentu kampu Greater Sunrise.Relasiona ho projetu Planta LNG, komunidade Beasu-Viqueque voluntariamente entrega ona rai no propriedade ba Governu ba futuru konstrusaun Planta LNG.

𝟓) 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐈𝐧𝐝ú𝐬𝐭𝐫𝐢𝐚 𝐌𝐢𝐧𝐞𝐢𝐫𝐚 𝐁𝐚𝐳𝐞 𝐟𝐮𝐧𝐝𝐚𝐦𝐞𝐧𝐭𝐚𝐥 𝐛𝐚 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮.Indústria Mineira mak enkudramentu legal. Ho entrada iha vigor Kódigu Mineiru no sei kria tan diplomas no regulamentu komplementar sira hodi hahu loke odamatan ba dezenvolvimentu setor mineiru eskala ki’ik to’o boot ho objetivu fundamental mak diversifika atividade hodi lori reseita mai Estadu hodi kontribui ba dezenvolvimentu nasional. Asaun konkretu sira mak:a. Estabelesimentu Kompañia Mineira (CMTL,S.A.- sigla português) ho objetu ba realizasaun atividade mineira nian. Kompañia ne’e iha ona funisonamentu desde rohan husi tinan 2022;b. Prosesu transformasaun TL Cement, Lda., ba TL Cement,S.A., hodi assegura partisipasaun estadu iha explorasaun Mineiru sei iha faze analize, diskusaun husi ekipa ida ne’ebé hari liu husi Rezolusaun Governu ho objetivu atu reformula viabilidade husi transformasaun empreza ne’e;c. Selebra ona kontratu prospesaun no peskiza Marmore. Atividade ne’e atinji ona 25% husi total bloku ne’ebé atribui ba investor rua;d. Sei realiza konkursu Mineralizasaun husi Autoridade Reguladora-ANPM;e. Sei kria Fundu Mineiru liu husi Lei (PN), iha âmbitu Kódigu Mineiru hodi rai no jere reseita hotu-hotu ne’ebé mai husi atividade mineira tuir prinsipiu transparénsia no prezervasaun reseita sira ba jerasaun futuru nian.

𝟔) 𝐑𝐞𝐝𝐞𝐟𝐢𝐧𝐢𝐬𝐚𝐮𝐧 𝐧𝐨 𝐢𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐞𝐬𝐭𝐫𝐚𝐭é𝐣𝐢𝐚 𝐛𝐚 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐏𝐞𝐭𝐫ó𝐥𝐞𝐮, 𝐆á𝐬 𝐧𝐨 𝐑𝐞𝐤𝐮𝐫𝐬𝐮 𝐌𝐢𝐧𝐞𝐫𝐚𝐢𝐬 𝐢𝐡𝐚 𝐭𝐞𝐫𝐫𝐢𝐭𝐨𝐫𝐢𝐮 𝐧𝐚𝐬𝐢𝐨𝐧𝐚𝐥, 𝐢𝐧𝐤𝐥𝐮𝐢 𝐚𝐩𝐫𝐨𝐯𝐞𝐢𝐭𝐚𝐦𝐞𝐧𝐭𝐮 𝐛𝐚 𝐢𝐧𝐟𝐫𝐚𝐞𝐬𝐭𝐫𝐮𝐭𝐮𝐫𝐚 𝐡𝐮𝐬𝐢 𝐩𝐫𝐨𝐣𝐞𝐭𝐮 𝐓𝐚𝐬𝐢 𝐌𝐚𝐧𝐞.Relasiona ho atividade ne’e, TIMOR GAP, konklui ona servisu kona-bá reajustamentu Projetu Tasi Mane no Redefinisaun konseitu dezenvolvimentu projetu refere tuir kondisaun atual no politika VIII Governu, espesifikamente Planu Estratéjiku MPM 2021-2030 no planu Estratéjiku Dezenvolvimentu Nasional 2023-2038.

𝟕) 𝐓𝐈𝐌𝐎𝐑 𝐆𝐀𝐏 𝐫𝐞𝐚𝐥𝐢𝐳𝐚 𝐨𝐧𝐚 𝐞𝐬𝐭𝐮𝐝𝐮 𝐧𝐨 𝐢𝐧𝐯𝐞𝐬𝐭𝐢𝐦𝐞𝐧𝐭𝐮 𝐢𝐡𝐚 𝐚𝐭𝐢𝐯𝐢𝐝𝐚𝐝𝐞 𝐔𝐩𝐬𝐭𝐫𝐞𝐚𝐦 𝐧𝐨 𝐃𝐨𝐰𝐧𝐬𝐭𝐫𝐞𝐚𝐦.Atividade sira ne’ebé realiza mak: a. Investimentu sira iha Greater Sunrise PSC ( upstream), iha peskiza Onshore ( Bloku Pualaka no Bloku A/Suai) inklui investimentu Timor Gap iha bloku tolu (3) hamutuk ho kompañia Timor Resources no Petro Tim. Peskiza iha Offshore ba bloku Crocodilo no investimentu hamutuk iha Bloku Chuditch PSC no projetu ba presta servisu parte upstream;b. TIMOR GAP fornese ona kombustivel ba planta eletrisidade EDTL nian iha Batano-Manufahi;c. TIMOR GAP halo ona estudu viabilidade tékniku no ekonómiku iha Kosta Sul atu estabelese planta regasifikasaun hodi antisipa ba planu transformasaun planta eletrisidade ba uzu gás;d. TIMOR GAP halo ona estudu viabilidade tékniku no ekonómiku atu hari Planta Integradu Petróleu (jety/portu, tank farm,regasification plant, core storage facility) iha kosta norte, Metinaro- Díli.

𝟖) 𝐄𝐬𝐭𝐮𝐝𝐮 𝐬𝐢𝐫𝐚 𝐛𝐚 𝐬𝐢𝐬𝐭𝐞𝐦𝐚 𝐏𝐞𝐭𝐫𝐨𝐥í𝐟𝐞𝐫𝐮 “𝐎𝐧𝐬𝐡𝐨𝐫𝐞 𝐧𝐨 𝐎𝐟𝐟𝐬𝐡𝐨𝐫𝐞” 𝐛𝐚 𝐳𝐨𝐧𝐚 𝐌𝐢𝐧𝐞𝐫𝐚𝐥𝐢𝐳𝐚𝐬𝐚𝐮𝐧 𝐛𝐚 𝐑𝐞𝐤𝐮𝐫𝐬𝐮 𝐌𝐚𝐭á𝐥𝐢𝐤𝐮 𝐧𝐨 𝐢𝐧𝐝𝐞𝐧𝐭𝐢𝐟𝐢𝐤𝐚𝐬𝐚𝐮𝐧 𝐫𝐞𝐤𝐮𝐬𝐮𝐬 𝐍𝐚𝐮𝐧-𝐌𝐞𝐭á𝐥𝐢𝐤𝐮 𝐬𝐢𝐫𝐚.Objetivu husi estudu sira ne’e mak atu identifika potensia rekursu, nune’e bele define zona mineralizasaun. Estudu sira mak hanesan: a. Sistema petrolíferu iha offshore liu husi estudu Jeofizika iha bloku J ( Área Bicuda) no Bloku N iha (Área Kelp Deep);b. Sistema petrolíferu onshore liu husi metódu survey, Land Gravity and Magnetic Survey, Magneto-lelluric Survey, Modelling Analysis Airborne Geophysical Data iha Bloku AGI Baucau no área Viqueque;c. Hala’o ona estudu jeofizika ba potensia ( mineral metáliku), liu husi Magnetic survey, Resistivity Survey, Modelling and Analysis for Airborn Geophysical Data iha Uatucarbau, Manganese Vemasee no Ossoala, Kobre ho Au, Kobre ho Au Oecusse.

𝟗) 𝐇𝐚𝐥𝐨 𝐢𝐝𝐞𝐧𝐭𝐢𝐟𝐢𝐤𝐚𝐬𝐚𝐮𝐧 𝐛𝐚 𝐩𝐨𝐭é𝐧𝐬𝐢𝐚 𝐑𝐞𝐤𝐮𝐫𝐬𝐮 𝐇𝐢𝐝𝐫𝐢𝐤𝐮 𝐒𝐮𝐛𝐭𝐞𝐫𝐫â𝐧𝐞𝐚𝐬, 𝐌𝐚𝐩𝐞𝐚𝐦𝐞𝐧𝐭𝐮 𝐉𝐞𝐨𝐥𝐨𝐣𝐢𝐤𝐮, 𝐑𝐢𝐬𝐤𝐮 𝐉𝐞𝐨𝐥𝐨𝐣𝐢𝐤𝐮 𝐧𝐨 𝐉𝐞𝐨𝐭é𝐤𝐧𝐢𝐤𝐮, 𝐡𝐚𝐧𝐞𝐬𝐚𝐧:a. Hidrojeolojiku- hala’o ona estudu akíferu, Jeothermiku iha Ermera, no mos análize laboratorium;b. Mapeamentu liu husi Kartografia Jeolojika iha Maliana no Atsabe;c. Peskiza risku Jeolojiku, halo sosializasaun ba rezultadu perkiza ( Baukau, Aileu, Manatutu, Likisa no Ermera);

𝟏𝟎) 𝐈𝐧𝐬𝐭𝐚𝐥𝐚𝐬𝐚𝐮𝐧 𝐛𝐚 “𝐂𝐨𝐫𝐞-𝐒𝐭𝐨𝐫𝐚𝐠𝐞 𝐅𝐚𝐜𝐢𝐥𝐢𝐭𝐲”, 𝐧𝐨 𝐝𝐞𝐳𝐞ñ𝐮 𝐝𝐞𝐭𝐚𝐥𝐥𝐚𝐝𝐮 𝐛𝐚 𝐋𝐚𝐛𝐨𝐫𝐚𝐭𝐨𝐫𝐢𝐮𝐦 𝐉𝐞𝐨𝐥ó𝐣𝐢𝐤𝐮.Oras ne’e IPG iha hela prosesu atu estabelese ka instala laboratoriu jeosientífiku tuir padraun Internasional ho objetivu atu fasilita no garante rezultadu estudu no peskiza ne’ebé viavel no konfiavel. Servisu sira ne’ebé realiza ona mak iha ona faze dezeñu ba futuru instalasaun laboratóriu refere.

𝟏𝟏) 𝐀𝐫𝐫𝐞𝐧𝐝𝐚𝐦𝐞𝐧𝐭𝐮 𝐧𝐨 𝐚𝐤𝐢𝐳𝐢𝐬𝐚𝐮𝐧 𝐩𝐨𝐬𝐭𝐞𝐫𝐢𝐨𝐫 𝐛𝐚 𝐟𝐮𝐭𝐮𝐫𝐮 𝐢𝐧𝐬𝐭𝐚𝐥𝐚𝐬𝐚𝐮𝐧 𝐌𝐏𝐌 𝐧𝐨 𝐈𝐧𝐬𝐭𝐢𝐭𝐮𝐢𝐬𝐚𝐮𝐧 𝐓𝐮𝐭𝐞𝐥𝐚 𝐬𝐢𝐫𝐚.Empreza DFBC (Díli Financial Bussines Center) halo hela negosiasaun ho Trade Invest atu halo adenda/alterasaun ba Akordu Espesial ba Investimentu. Objetivu husi arredamentu no akizisaun iha futuru, atu akomoda servisu Ministériu hamutuk ho Instituisaun Tutelas hodi kontribui ba efisiénsia orsamental.