Ministériu Petróleu no Rekursus Minerais, Kinta-Feira ne’e, realiza kolókiu ho tema empoderamentu feto iha vida polítika no economia, la’e ba asediu sexual no violência bazeia ba jéneru, iha Sentru Formasaun Tibar, Munisípiu Liquiça.
Sua Eselénsia Ministru Petróleu no Rekursus Minerais, Francisco da Costa Monteiro, destaka importância promosaun sosiedade inkluziva, hodi ema hotu bele sente pertense ba estadu ida ne’e.
“Ita tau atensaun teb-tebes ba igualdade jeneru no inkluzaun sosial, la’os de’it politika governu ida nian, maibé hatuur kedas ona iha Konstituisaun RDTL, no husi tempu ba tempu, governu ba governu kaer mos iha nia politika, programas, asaun konkreta, atu dudu igualdade jeneru no inkluzaun sosial,” Hateten Sua Eselénsia Ministru Petróleu no Rekursus Minerais.
Tanba ne’e, Ministériu Petróleu no Rekursus Minerais kontinua aposta ba empoderamentu feto, noemesaun ba kargu xefia sira ho baze inkluzaun, ho fo espasu maka’as ba feto sira.
Sua Eselénsia Sekretária Estadu Igualdade, Elvina Sousa de Carvalho ne’ebé sai mos oradora iha kolókiu ne’e, deklara disponibilidade governu nia atu aposta ba formasaun no apoiu fundu transferência pública ba Organizasaun Naun Governamental sira ne’ebé mak promove formasaun iha domíniu oi-oin.
“Nunu Govenru Konstituisonal kompometidu atu bele hasa’e kapasitasaun, empoderamentu ba feto iha ekonomia no politika, iha programas no esforsu barak ne’ebe halo governu anterior no mandate nuno governu nian, atu promove ka empoderamentu feto iha vida politika,” Tenik Sua Eselénsia Elvina Sousa de Carvalho.
Dezafia mos Ministériu Petróleu no Rekursus Minerais atu promove feto hodi hili área estudu especializada iha Siensia Tekenolojia, Siensia, arte no Matematika (STEAM – Sigla iha inglez), no brani foti kareira iha STEAM.
Kona-ba assediu Sexual iha servisu fatin, Sua Eselénsia Sekretária Estadu Igualdade, Elvina Sousa de Carvalho exige ba liñas ministeriais sira, atu socializa no implementa manual lae ba assediu sexual husi Komisaun Funsaun Públika.
“SEI kontinua halo atividade promosaun, fo informasaun ba publiu liu-liu hosi, linas miniesterais sira atu assegura katak, iha fatin servisu ka iha funsaun punlika, zero toleránsia ba assediu sexual, tanba ita hatene katak, asediu sexual ne’e pratika iha serviu fatin kuandu mosu, viola ona ema ida nia direitu,” Fundamenta.
Apela mos ba feto-maluk sira ne’ebe assume kargu xefia, atu hatudu kompetensia no abilidade lideransa, hodi mana’an konfiansa publiku.
