𝗠𝗜𝗡𝗜𝗦𝗧𝗥𝗨 𝗣𝗘𝗧𝗥𝗢́𝗟𝗘𝗨 𝗡𝗢 𝗥𝗘𝗞𝗨𝗥𝗦𝗨𝗦 𝗠𝗜𝗡𝗘𝗥𝗔𝗜𝗦 𝗥𝗘𝗔𝗟𝗜𝗭𝗔 𝗘𝗡𝗞𝗢𝗡𝗧𝗥𝗨 𝗞𝗢𝗥𝗧𝗘𝗭𝗜𝗔 𝗛𝗢 𝗗𝗘𝗟𝗘𝗚𝗔𝗦𝗔𝗨𝗡 𝗢𝗦𝗔𝗞𝗔 𝗚𝗔́𝗦

Sua Eselénsia Ministru Petróleu no Rekursus Minerais simu vizita husi delegasaun OSAKA GAS, ba reuniaun kortezia importante ida. OSAKA GAS ne’ebé mos parte interessada ida, iha partisipasaun porsentu 10 husi Greater Sunrise, reperezenta husi gerente seniór Motoyuki Hirabayashi husi Osaka Gas, Japão no Rod Lake husi Osaka Gas Austrália.

Sua Eselénsia Ministru Francisco da Costa Monteiro ho ksolok tebes simu delegasaun ne’e, hodi realiza diskussaun kle’an, ne’ebé ekipa OSAKA GAS aprezenta vizaun bo’ot kona-ba servisu ne’ebé la’o hela. Foku importante mak husi aseptu dezenvolvimentu Greater Sunrise ne’ebé ninia deskobrimentu kompeta tinan 50 iha tinan oin.

Dialogu ne’e konsetra iha natureza krítika, husi diskussaun ne’ebé la’o dadaun kona-ba Greater Sunrise. Sua Eselénsia Ministru subliña importánsia husi inisiativa ida ne’e, no tatoli vizaun husi abordajen konstrutiva ba desenvolvimento sustentável no susesu husi projektu sira, ne’ebé relasiona ho kampu Greater Sunrise.

Enkontru hatudu kontinuasaun esforsu kolaborativu no kooperasaun mútua entre Timor-Leste no mos estimadu parseiru internasionál sira, hodi promove progressu no presperiedade iha seitór petróleu no rekursus minerais iha nasaun ne’e.