𝐌𝐏𝐑𝐌 𝐒𝐈𝐌𝐔 𝐕𝐈𝐙𝐈𝐓𝐀 𝐇𝐔𝐒𝐈 𝐄𝐌𝐏𝐑𝐄𝐙𝐀 𝐄𝐒𝐓𝐑𝐄𝐋𝐋𝐀 𝐑𝐄𝐒𝐎𝐔𝐑𝐂𝐄𝐒, 𝐋𝐓𝐃

Sua Eselénsia Ministru Petróleu no Rekursus Minerais, Francisco da Costa Monteiro, realiza enkontru ho Responsável Máximu Kompaña Australiana Estrella Resources, Ltd, Leslie Perreira. Empreza ne’ebé lokaliza iha Australia foku ba explorasaun osan-mean no nikel.

Iha fulan Outubru foin lalais ne’e, Autoridade Nasional dos Minerais – ANM anunsia katak, husi empreza konkorrente 14, empreza 9 mak admitidu iha prosesu pré-kualifikasaun, inklui empreza Estrella Resources hodi halo explorasaun metal no mineiru iha Timor-Leste.

Prosesu konkursu bazeia ba prosedimentu ne’ebé konsta iha Lei Númeru 12/2021, de 30 de Junho ne’ebé aprova Kódigu Mineiru no defini kritériu sira kona-ba Kompaña sira ne’ebé mak konkonkorre iha explorasaun minerál.

Explorasaun mineral bloku hitu, ne’ebé tuir estudu prelimináriu hatudu potensialidade ba minerál no metal ne’ebé waihira explora bele folin bo’ot iha merkadu internasionál, hodi apoia mos Timor-Leste nia ekonomia.