Díli, 20 Novembru 2025
Sua Eselénsia Ministru Petróleu no Rekursus Minerais, Francisco da Costa Monteiro realiza enkontru ida ho Señora Julie Heckscher hanesan, Primeira Assistente Sekretaria ba Divizaun Polítika Regulatória no Legál husi Departamentu Negósiu Estranjeiru no Komérsiu husi Austrália.
Enkontru ne’e foka ba aprosimasaun governu Australiana ba reziliénsia nasionál, inklui jestaun ba risku infraesruturas krítiku, triajen ba investimentu externa, siberseguransa, Sistema kontra-interferénsia no koodenasaun entre ajénsia governamentál. Partilla mós esperiénsia Austrália nian no expereriénsia ba dezenvolvimentu lejislasaun, forsa tarfea interferénsia no resposta ba ameasa ne’ebé kanaliza ba instituisaun, komunidade no setór essensial sira.
Sua Eselénsia Ministru Monteiro mos hato’o apresiasaun kle’an ba kooperasaun Australia iha área oi-oin, ne’ebé iha interesse ba rai rua. Destaka mos interkámbiu ne’ebé apoia esforsu koletiva hodi hametin reziliénsia, transparénsia no governasaun di’ak. Rekoñese mos esforsu ne’ebé nasaun hasoru iha setór importante sira, inklui petróleu, gás no mineral no subliña importánsia atu jere oportunidade no vulnerabilidade ne’ebé akompaña indústria estratéjiku ne’e. Sua Eselénsia Ministru Monteiro mos destaka xavi ne’ebé foti husi rezultadu selesaun konseitu, hodi permite dada kadoras mai Timor-Leste no infraestruturas downstream ne’ebé rezulta signifikativamente dezenvolvimentu nasaun nian iha future no konsidera katak, Greater Sunrise nafatin prioridade sentrál ba governu.
