Ilimanu, 31 jullu 2026
Sua Eselénsia Ministru Petróleu no Rekursus Minerais, Francisco da Costa Monteiro observa atividade prospesaun no peskiza ba mármore husi Empreza Murak Rai Timor – MRT, E.P., ho empreza parseiro Brilliant Resources hodi deskobre kuantidade no kualidade husi mármore iha rai-okos.
Iha terrenu, ekipamentu ba prefurasaun kada loron, hodi extrai amostra husi rekursu mármore, hodi halo análize, kompila no reporta tuir padraun kona-ba prátika mármore extrasaun mármore no prosesu final sei reporta ba governu.
Sua Eselénsia Ministru Francisco Monteiro tenik katak, perfurasaun ne’ebé dadaun ne’e la’o hela iha Ilimanu, sei konfirma mapeamentu jeolójiku no rezerva mármore iha rai-okos, hodi estabelese dadus tékniku ne’ebé permite halo kálkulu ekonómiku ba komersializasaun mármore.
MPRM ho entidade tutela hanesan ANM, I.P., no MRT, E.P., prevé se atu hetan rezultadu husi estudu tékniku husi prosperasaun no peskiza ne’ebé realiza iha área Ilimanu, Suku Uma Kaduak, Munisípiu Manatutu, sei finaliza iha finál tinan ne’e, no hodi halo desizaun finál kona-ba kontinuidade ba explorasaun.
Dadaun ne’e, MPRM no entidade tutela hanesan ANM, I.P. no MRT, E.P., ho nia parseiru sira, aposta ba explorasaun rekursus minerais hanesan mármore, kromita, osan mean, elementu terras raras no seluk tan, atu hetan dadus jeolójiku ne’ebé konfiável hodi projeta ba explorasaun iha futuru.