Camberra, Austrália, 24 Janeiru 2024
Passu importante ida atu hametin relasaun bilaterál no promove dezenvolvimentu sustentável, Sua Eselénsia Ministra Rekursus Naturais Austrália no ba Norte Austrália, Honorável Madaleine King MP, hamutuk ho Sua Eselénsia Ministra Negósiu Estranjeiru Australia nian, Penny Wong realiza enkontru produtivu ida, ho sua Eselénsia Ministru Petróleu no Rekursus Minerais, Francisco da Costa Monteiro. Enkontru ne’ebé realiza iha loron 23 fulan Janeiru tinan 2024 iha iha Parlamentu Camberra principalmente foka ba dezenvolvimentu Kaptura no Armajenamentu Karbono (CCS – sigla iha Inglez) no progressu husi iniciativa Greater Sunrise.
Governantes sira ne’ebé envolve iha diskussaun construtivas ne’e, subliña apoiu forte ba kompromissu husi projektu CSS husi Bayu-Undang. Rekoñese mos importánsia husi koolaborasaun iha abordajem kona-ba alterasaun klimátika no mos fronteiras teknolójikas, hodi ministru sira konkorda, reforsu husi relasaun iha estabelesimentu kuadru jurídiku no regulamentares nesessária. Esforçu coletiva ne’e, hodi fasilita movimentu efisiente husi CO2 entre nasaun rua, permite mos armajenamentu CO2 ho seguru iha rezervatório submarinos.
Nune’e mos reafirma dedikasaun ba diálogu nafatin ho funsionáriu sira no ho Sunrise Joint Venture. Foku husi diálogu ne’e remata ho aspektu krítiku husi projektu Greater Sunrise, inklui Kódigu Mineiru ba Petróleo, Regime FIskal no Kontratu ba Partilla produsaun. Reuniaun ne’e mos subliña kompromissu entre nasaun rua, ba dezenvolvimentu komersialmente viável no mutuamente benefíku husi Projektu Greater Sunrise.
Enkontru ida ne’e, marka passu pozitivu iha kooperasaun rejional no hatudu vizaun partillada entre Australia no Timor-Leste iha promosaun ba solusaun enerjia sustentável no dezenvolvimentu ekonómiku no mos relasaun bilateral entre Timor-Leste no Austrália.
