Covalima, 23 Jullu 2026
Ministériu Petróleu no Rekursus Minerais no TIMOR GAP, E.P., lori Reprezentante Governu Austrália ba Greater Sunrise, Senora Katrina Cooper, hodi observa dezenvolvimentu iha Suai no Planu governu ba industrializasaun setór petróleu.
Inisiativa ne’e realiza, hafoin señora Katrina Coopera realiza enkontru ho Sua Eselénsia Primeiru Ministru, Kay Rala Xanana Gusmão, hodi aprezenta pedidu ba realizasaun vizita guiada iha Covalima, hodi hare dezenvolvimentu iha Suai, Betanu no Natarbora no infraestrutura ligada ho projetu Tasi Mane.
Sua Eselénsia Ministru Francisco Monteiro tenik katak, vizaun governu ba Tasi Mane mak hari’i industrializasaun setór petrórleu no governu kontinua hari’i infraestruturas fasilitadoras, hodi asegura realizasaun projetu estatéjiku ne’ebé sei iha efeitu multiplikadora ba Timor-Leste.
Iha Covalima, Reprezentante Governu Austrália ba Greater Sunrise, Senora Katrina Cooper hetan informasaun kona-ba planu governu ba setór petróleu no vizita Aeroportu Suai, Abitasaun Komunitária iha Holbelis, Hospital Covalima, Mina Matan Suai Loro no Mina Matan Feto Kmaus.