Kompañia Nasional Petróleu Timor-Leste ne’ebe kria husi Governu iha tinan 2011 (Dekretu -Lei n.31/2011 – 27 Jullu) ne’ebé hetan fiar atu dezenvolve atividade negosiu iha setór esplorasaun upstream no produsaun, inkluindu servisu korporativu sira, ne’ebé sei hala’o iha onshore no offshore, tantu rai laran ka rai liur iha teritoriu nasional.
TIMOR GAP GÁS & PETRÓLEO, E.P. (haktuir mai refere ba ‘TIMOR GAP’) haksumik ho ezekusaun husi aktividade sira negosiu husi downstream, inkluindu armajen, refinaria, prosesamentu, distribuisaun no faan petroliferu no produtu ne’e rasik, ho mos indústria petrokemikal.
TIMOR GAP suporta husi Strategia & Planu Negosiu rasik husi periodu 2016 – 2035, hodi bele sinkroniza ho buat ne’ebé maka ami tarjetu(vizaun), tanba sa maka ami eziste (misaun), no oinsa ami serbisu (valor, kuda metin iha ami nia espiritu serbisu:’CAN DO’’).
Vizaun
Sai hanesan lider regional iha mina no gas ba sustentabilidade dezenvolvimentu nasional
Misaun
- Hodi bele kontribui ba Dezenvolvimentu Nasional liu husi asegura no aumenta valor ba rekursu energia.
- Hodi kria Oportunidade Negosiu no Serbisu sira, hasa’e kapasidade no transferensia teknolojíkal.
- Hodi apoiu Sosial no Dezenvolvimentu Ekonómia liuhusi Maximiza kapasidade lokál no partisipasaun.
- Hodi bele halo operasaun ho kualidade, saúde, seguru ho standar envariomentu di’ak liu.
- Hodi garante kliente no satisfasaun parseiru sira ba produtu, serbisu no projetu sira.
- Hodi promove inovasaun no kreatividade liuhusi peskiza no dezenvolvimentu.
Ami empeñadu hodi promove aplikasaun ba normas no pratika diak iha atividade hotu-hotu empreza nian, ne’ebé rezulta rekoñesimentu ba susessu implementasaun iha sistema integradu husi Jestaun TIMOR GAP nian, wainhira iha tinan 2016 konsede Sertifikasaun husi Organizasaun ba Normalizasaun (International Organization for Standarization ou ISO) husi entidade sertifikador internasional DNV GL Singapura, nudar lider mundial ida iha sertifikasaun ba sistema jestaun nian.
TIMOR GAP iha komitmentu atu implementa ninia atividade sira haktuir padraun aas ba Kualidade, Saúde & Seguransa no Ambiente. Ami TIMOR GAP hetan ona sertifikasaun ba ISO 9001:2015 Sistema Jestaun Kualidade, ISO 45001:2018 Sistema Jestaun Saúde no Seguransa no ISO 14001:2015 Sistema Jestaun Ambiente.
Kompañia promove atividade sira ne’ebé haree liu ba haforsa servisu nu’udar ekipa no kapabilidade atu hametin relasaun entre servisu na’in TIMOR GAP sira sempre iha kompañia nia misaun. Atu bele hametin unidade hodi hala’o didi’ak vizaun koorporativa ni’an, ne’ebé mos mak lidera atu produs (hamosu) rezultadu ne’ebé mak di’ak.
