Parlamentu Nasionál, 21 Maiu 2026
Sua Eselénsia Ministru Petróleu no Rekursus Minerais, Francisco da Costa Monteiro akompaña Sua Eselénsia Vise Primeiru Ministru no Ministru Koordenadór Assuntus Ekonómiku, Francisco Kalbuady Lay halo audiénsia públika ho Parlamentu Nasionál, hodi aprezenta proposta orsamentu retifikativu tinan 2026, ne’ebé atu uza ba mitigasaun impaktu ekonómiku, kauza husi funu iha Médiu Oriente.
Tuir Sua Eselénsia Vise Primeiru Ministru no Ministru Koordenadór Assuntus Ekonómiku, Francisco Kalbuady Lay, proposta orsamentál ne’e manifesta polítika ba prioridade nasionál, vizaun estratéjika no kompromissu ho povu, liu-husi adopsaun medida temporária sira ne’ebé kontribui ba garantia efisiénsia iha implementasaun polítika públika.
Governu avalia katak, situasaun jeopolítika perturba merkadu enerjétiku, hodi efeta ba Sistema eletrefikasaun, transporte no servisu esensiál seluk ne’ebé Timor-Leste dependente ba importasaun no governu opta medida nesessáriu, liu-husi estabelesimentu rezerva kombustível, normaliza folin kombustível no setór essensial seluk, hodi kontribui ba estabilidade ekonómika.
Ba Sua Eselénsia MPRM, Francicso da Costa Monteiro, intervensaun governu atu evita subida presu kombustível no inflasaun ne’ebé sei afeta ba estabilidade ekonómika. Governu sei monitoriza rigorozamente implementasaun inisiativa sira ne’ebé assosia iha medida ba mitigasaun husi impaktu ekonómiku, provoka husi konflitu iha Médiu Oriente.
Proposta Prsamentu Retifikativu ne’ebé iha faze audiénsia públika, atu assegura instrumentu legál no orsamentál nesessáriu hodi responde ba neseside exepsionais ba seguransa enerjétika no abastesimentu kombustível.