Orsamentu Retifikativu tinan 2026 ne’ebé inklui dotasaun intervensaun governu ba estabilizasaun presu kombustível no kriasaun rezerva nasionál ba sentrál elétrika Hera, Betanu, Sacato – RAEOA no Ataúro, aprovadu Jeneralidade, ho votus afavor 42 no abstensaun 23.
Sua Eselénsia Ministru Petróleu no Rekursus Minerais, Francisco da Costa Monteiro, tenik katak, waihira la iha intervensaun governu hodi estabiliza presu kombustível, presu atuál husi gazoel no gazolina bele atinji ona, liu dólar amerikanu rua iha Díli no Munisípiu. Autoridade Nasional Petróleu – ANP, I.P, no Autoridade Aduaneira, ho apoiu husi Autoridade Defeza no Seguransa, kontinua halo kontrolu ho rigor, hodi evita manipulasaun ba presu iha terrenu.
Dadaun ne’e, governu rejista importadór kombustível, gás no avtur (Aviation Turbine Fuel) hanesan, Pertamina, EDS, Clean Gas, Meridian ne’ebé fornese mina ba Sentral Elétika Betan no ETO+ ne’ebé iha kapasidade ba fornesimentu no armajenamentu kombustível.
Ba Sua Eselénsia Primeiru Ministru, Kay Rala Xanana Gusmão, proposta orsamentu retifikativu ho montante dólar amerikanu millaun 271, kompoin kriasaun rezerva estratéjika kombubstível ho dolar amerikanu millaun 174,3, hodi kobre nesisidade produsaun eltresidade husi Sentrál Elétrika Hera, Betanu, Sacato no Ataúru ba fulan 7 no garante servisu essensiál sira.
Governu mós aloka dólar amerikanu millaun 42 ba mitigasaun impaktu diretu ba família no emprezas no mos aloka dólar amerikanu millaun 5 ba reforsu rezerva fós, ai-han bázika ba populasaun no fortalesimentu seguransa alimentar.
Media hirak ne’e, tuir Sua Eselénsia Primeiru Ministru, atu assegura estabilidade orsamental iha kontestu instabilidade global, liu-husi kombinasaun ba realokasaun orsamentu interna, saldu kaiza disponível, rekursus tranzitadu no reseitas intenas ne’ebé bo’ot liu husi previzaun, ho intensaun suporta medidas estratéj
ikas sira